10 мамыр күні гимназиямызда 5-7-сыныптар арасында  "Hand made" халықтық қолөнер байқауы өтті. Байқауға әр сыныптан үш оқушыдан қатысты. Қатысушылар өз қолдарынан жасаған ұлттық нақыштағы түрлі  бұйымдарын тарту етті. Онда көзге ерекше түсетіндері: тақия, кесте, оюлы көрпеше, бойтұмар, шашбау.   Көнере бастаған қолөнерді бүгінгі күнде өз кәдемізге жаратып, қолданудың маңызы өте зор екенін түсіндіріп, ықылым заман тарихымен бірге өсіп, біте қайнап жатқан өте бай мұрамызды қайта жаңғыртты

      Ғарышкерлер күніне орай Байқоңыр қаласында өткен Халықаралық таэквонда жарысынан жүлделі ІІ орын алған Қайсар Нұрали мен І орын алған Дүйсебай Нұриманды құттықтаймыз! Қазақстан, Иран, Ресей, Белоруссия, Өзбекстан, Қырғызстан, Пәкістан, Индия секілді мемлекеттерден келген спортшылармен додаға түсіп, бәйгеден көрінген шәкірттерімізге бағындырар биіктеріңіз таусылмасын дегіміз келеді. Әлемдік аренадан көрінетін қазақтың ең мықты спортшылары болғайсыздар. Тек сәттілік, жігіттер!

   Гимназиямыздың оқушысы 6-сынып оқушысы Қамбар Алиді каратэден алған жүлделі І орынымен құттықтаймыз!  Елдің атын шығарар арда азамат болыңыз. Алар асуыңыз таусылмасын.

     Мұқағали Мақатаевтың туғанына 91 жыл толуына орай ұйымдастырылған эстафеталық жарыста 5-сыныптар арасында І орын - 5 "Б", ІІ орын - 5 "Е", ІІІ орын - 5 "Д", 6-сыныптар арасында І орын - 6 "З", ІІ орын - 6 "Б", ІІІ орын - 6 "Е" сыныбы иеленді. Сыныптарды жүлделерімен құттықтаймыз. Шығар шыңдарыңыз биік болсын!

    Жыл сайын сәуір айында ҚазҰУ журналисика факультетінде жас тілшілер шығармашылық бағын сынайтын "Жас тілшілер" форумы өтетін. Сол үрдіс биыл да жалғасын тауып, гимназиямыздан 11-сынып оқушысы Бейсенғали Айсер қатысты.  Бұл – бала арманын кәсіби мақсатына жетелейтін, жас өрендер жыл сайын асыға күтетін ерекше шара. ҚазҰУ журналистика факультеті бұл шараны биыл елу жетінші  рет ұйымдастырып отыр.  «Жас тілшілер» форумында ең үздік шығармашылық жұмыстар марапатталды. Жұлдыңыз жарқырай берсін,

     Сәуірдің 27 күні  «Алматы дарыны» орталығында «Қазақстандағы 100 есім» жобасының қатысушысы, Алматы қалалық мәслихатының депутаты, Қазақстанның волейбол бойынша жастар құрамының капитаны - Серік Есматовпен кездесу болып өтті.  Кездесуге Алматы қаласының мектептерінен дарынды балалар жиналды. Гимназиямыздан 10-сынып оқушысы Дінмұхамед Жігер қатысты. Оқушылар жастайынан екі аяғынан айырылған спортшының өмірімен,  жетістіктерімен танысты. Сұрақтар қойылып, жетістікке жетудің жолдары туралы ой

     Алматы қаласында өткен IV INTERNATIONAL ART FESTIVAL CONTEST "EURO TALENTS" байқауында гимназиямыздың "ЕРКЕНАЗ" жетігеншілер ансамблі  Нұрғиса Тілендиевтің "Аққу" сазымен жоғары бағаға ие болып, Египетте өтетін фестивальға жолдама алды. Жетекшісі: Апенова Асылай. Өнерпаздарымызды жүлделі орындарымен құттықтап, шығармашылық шабыт тілейміз. Өзге елде өз еліміздің атын шығарып, жеңіспен оралуларыңызға тілектеспіз. Өнерлеріңіз өрге жүзсін!

    Қалалық таэквондо чемпионатына қатысқан гимназиямыздың оқушысы Кошбан Айғанымды І дәрежелі жеңісімен құттықтаймыз! Жеңісті күндерін көп болсын, Айғаным.  Биіктерді бағындыра бер!

     Жастар арасындағы Қазақстан Республикасының чемпионатында  спорттық акробат бойынша жекелеген жаттығулар бойынша ІІ орын алған Мавлен Ханшайымды  жеңісімен құттықтаймыз! Биіктерді бағындыра бер, Ханшайым. Сәттілік серігің болсын!

      Наталья Кузнецова атындағы көркем гимнастика мектебінің кубогында Құрманғали Амина ІІ орынмен марапатталды. Жеңісті, жемісті күндеріңіз көп болсын. Жетер жетістігіңіз таусылмасын, Ам ина. Тек қана сәттілік!