Қазақстан Республикасының спорт және мәдениет министрлігі, ҚР спорттық би ассоциациясының ұйымдастыруымен Алматы қаласының спорттық би Федерациясы өткізген, «MAGIC DANCE» спорттық-би клубының «Вальс Осени» атты би конкурсында гимназияның 3 «Е» сынып оқушысы – Назымбек Алуа жүлделі ІІ орынмен марапатталды.   

     "Жаса Отаным" атты ашық чемпионатта көркем гимнастикадан  гимназиямыздың 4 «Ә» сынып оқушысы  Құрманғали Әмина  жүлделі І орынға ие болды. Талантты да еңбекқор шәкіртімізді шын жүректен құттықтаймыз. Алдағы уақытта көптеген асуларды бағындыруына тілекшіміз. 

    Нұр-Сұлтан каласында 13-16 жастағы балалардың арасында стритболдан 20-21 қарашада Республикалық жарыс өтті. Шәкіртіміз Амангельдиев Шыңғыстың командасы  жүлделі І орынмен марапатталды. Салауатты өмір салтын ұстанған жас спортшыларымызды жеңістерімен құттықтаймыз. Спорт әлемінде тек қана сәттілік тілейміз. 

    Әрбір жаңа күн – гимназия шәкірттері үшін жаңа белес бағындыруға берілген мүмкіндік. Бұлай дейтін себебіміз, гимназия шәкірттері спорт әлемінде тағы да биік белестерден көріне білді. Жеңіске жету жолында тынбай, аянбай еңбек етіп, талпынған шәкірттеріміз – біздің мақтаныштарымыз. М. Мақатаев атындағы №140 гимназия шәкірттері Қабланбай Арсен мен Қабланбай Заңғар Алматы қаласы бойынша каратэден жүлделі ІІ орын алды. Шымыр да шыныққан шәкірттерімізді шын жүректен құттықтаймыз. 

                                          Анықтама         2021 жылдың 22 қарашасында М.Мақатаев атындағы №140 гимназияның 1-11 – сынып оқушылары арасында Мұқағали Мақатаевтың 90 жылдығына орай шахматтан жарыс өткізілді. 4 «Г»  сынып оқушысы Джумаканов Қуаныштың ата-анасы Тюбаев Серік Джумаканович пен Чайзаданова Гүлсім Сейтқалиқызының демеушілігімен ұйымдастырылған сайысқа 50 оқушы қатысты. Шахмат жарысы олимпиадалық жүйеде өткізілді. Жарыс барысында өте жақсы ойын көрсетіп, соңғы турға өткен

    Б.Кабулов атындағы шинкиокушинкай каратэ федерацияның ұйымдастыруымен қараша айының жиырмасында өткен турнирде алтын алқа таққан гимназиямыздың 5 «Д» сынып оқушысы Талғатұлы Ілиясты жеңісімен құттықтаймыз! Бала жанынан табылып, қолдау көрсетіп келе жатқан ата-анасына айтар алғысымыз шексіз! Еліміздің көк туын әлемдік аренада желбірететініңе сенеміз!

     Қарашаның 2-сі, Қазақстан Республикасы Тәуелсіздігінің 30 жылдығына, Қазақстанның спорт және туризм академиясында каратэ мамандандыруының ашылуына 20 жыл толуына орай, бірінші Алматы қаласының бүкіл стильдік ашық турнирі өтті. 10-11 жас аралығындағы балалар арасында өткен жарыстан  гимназияның 5 «Д» сынып оқушысы – Талғатұлы Ілияс, ІІ орынды иеленді. Көк туымызды әлемдік аренада желбіретін спортшы болуына тілектеспіз!

    М.Мақатаев атындағы №140 гимназияның  5 «Е» сынып оқушылары күзгі демалыста түрлі жарыстарға қатысып, жүлделі орындарға ие болды. Тойбазар Амина халықаралық би конкурсынан бас жүлдені иеленді, Бейсен Арсен шахмат жарысынан ІІІ разрядқа өтсе, Боранбай Байсұлтан таэквондодан өткен  жарыста алтыннан алқа тақты. Оқушыларды және бала жанынан табылып, қолдау көрсеткен ата-аналарды жеңістерімен құттықтаймыз!

     М.Мақатаев атындағы №140 гимназияның 6-сынып оқушысы - Шарипова Алма, Алматы қаласы бойынша өткізілген қалалық көркем гимнастикадан І орын иегері атанды. Шәкіртімізді жетістігімен шын жүректен құттықтаймыз. Биік белестерді бағындырар ел мақтанышына айналсын.

      Словенияның Гардес қаласында өткен, 42 елдің спортшылары бақ сынасқан Халықаралық Дзюдо жарысында, М.Мақатаев атындағы №140 гимназияның 8-сынып оқушысы - Асқарұлы Бейбарыс, 42 қатысушы арасынан оқ бойы озып, V орынға табан тіреді.  Талабы мен жігері таудай шәкіртімізге сәттілік тілейміз!