Ақтау қаласы, Маңғыстау облыстық «Жас батыр» МБЖСМ  басшылығының ұйымдастыруымен Дзюдодан 2009-2010 ж.т. жасөспірім ұл-қыздар арасында өткен халық батыры «Ер Қосай Құдайкеұлы» жүлдесіне арналған ХІІІ республикалық турнирде   +50 келі салмақ дәрежесінде гимназиямыздың  6 «А» сынып оқушысы Асылбек Нурали қатысып,   жүлделі ІІІ орын иеленді. Батырымызды шын жүректен құттықтаймыз. 

    Қыздар мен әйелдер арасында өткен Пенчак Силат спорттық түрінің клуб-аралық чемпионатында жеңіске жетіп, марапатталған гимназия шәкірті, 4"В"сынып оқушысы – Әскербек Інжу. Шын жүректен құттықтаймыз. Шәкіртіміздің жемісті өмір жолына бастаған жеңістері көп болсын. 

      Алматы қаласы, 2-3-желтоқсан аралығында коньки тебу спорттық жарысының ашық чемпионаты болып өтті. Бұл спорттық жарыста гимназиямыздың түлегі Есенгельді Аружан жүлделі ІІ орынды иеленді. Талабыңа нұр жаусын! Шын жүректен құттықтаймыз.

    Алматы қаласы GORKY TENNIS PARK ұйымдастыруымен өткен «Желтый мяч» турнирінде жүлделі І орынды, шәкіртіміз 5 «Ә» сынып оқушысы Королева Алиса иеленді. Шын жүректен құттықтаймыз. 

     Қазақстан Республикасының Тәуелсіздігінің 30 жылдығына орай ұйымдастырылған Республикалық «Үкілі үміт» балалар шығармашылығы байқауына қатысып, өнер көрсеткен 5 «Ә» сынып оқушысы Ғаниұлы Бекболат марапатталды. 

     Қазақстан Республикасы Тәуелсіздігінің 30 жылдығына арналған Таеквондодан Алматы облысының ашық біріншілігінде, 10-11 жас аралығында  36+ салмақ дәрежесінде І орын алғаны үшін гимназия шәкірті Дүйсебай Нұриман марапатталды. 

    Елімізде «Дарын» Республикалық ғылыми-практикалық орталығының ұйымдастыруымен өтілетін «Ақ Бота» зияткерлік олимпиадасы биыл да өзінің  дәстүрлі білім сайысын өткізді. 2021 жылғы 30 қараша мен 5-желтоқсан аралығында жалпы білім беретін мектептерге арналған «Ақбота» зияткерлік олимпиадасына гимназиямыздың бастауыш 3-4-сынып оқушылары қатысып, жүлделі орындарға ие болды. Талапты да зерек шәкірттерімізді шын жүректен құттықтаймыз. 

      Алматы қаласының мәдениет басқармасы, ҚР жазушылар одағы, М.Мақатаев халықаралық қоғамдық қорының жауапкершілігімен ұйымдастырылған халықаралық «Кел болашақ» байқауында, «Көркем сөз» номинациясы бойынша өнер көрсеткен М.Мақатаев атындағы 140 гимназияның талапты шәкірттері үздік өнер көрсетіп, марапатталды. Талантты шәкірттеріміздің жетекшісі - Тұяқбаев Бекзат Мұхамедрайымұлы арнайы дипломмен марапатталды. 

     Сиқырлы сазға бай - жетіген аспабында шебер ойнайтын гимназия шәкірттері, халықаралық "Кел болашақ" байқауында бас жүлде иегерлері атанды!!!

   Қазақстан телерадиокорпорациясы, Балапан телеарнасының ұйымдастыруымен «Тәуелсіздіктің 30 жылдығына 30 тарту!» атты шығармашылық байқаулар топтамасында жеңімпаз атанған М.Мақатаев атындағы №140 гимназия шәкірті – Мавлен Ханшайымды марапатымен қүттықтаймыз. Алар асуың мен бағындырар белесің таусылмасын!