Сенат депутаты жастармен кездесті

Қазақстан Республикасы Парламенті Сенатының Алматы қаласынан депутаты Асанова Жанна Бейсентайқызы Алматы қаласының Жас сайлаушылар клубы мүшелерімен кездесу өткізді. Кездесу барысында жастардың азаматтық белсенділігін арттыру, саяси мәдениетін дамыту және қоғам өміріне белсенді қатысуға шақыру мәселелері талқыланды. Кездесуге М.Мақатаев атындағы №140 гимназияның Өзін-өзі басқару ұйымынан Ерболат Іңкәр қатысты. Іңкәр кездесу туралы әсерін былай деп жеткізді: «Кездесуде айтылған ойлар маған үлкен шабыт берді. Өзімнің де қоғамға пайда тигізе алатыныма сенімім артып, жаңа идеялар пайда болды».