Бұл күн - «мектебім, ұстазым» деп көңіл қимастық кешкен күн. Бұл күн – әжең, ақ жол тілеп, атаң, ақ бата берген күн. Бұл күн – ата - анаң, қызым бой жетті, ұлым ер жетті деп шаттанған күн. Бұл күн – ұстазыңның жанында шәкірт болып соңғы рет қауышқан күн. Бұл күн – арман қуып алысқа аттанған күн. Бұл күн – жаңа өмір басталған күн.Иә, бұл тояттамас сезім мен шынайы қимастықтың куәсі болған - 25 мамыр, соңғы қоңырау күні! Биыл, әлемді жайлаған қатерлі індет салдарынан, М.Мақатаев атындағы N140

   2021 жылы 22 мамыр күні 12:00-де «Өмірді сүю-өзіңді сүю» тақырыбында  аудандық онлайн семинар өтті. Семинарға ауданымыздың Білім бөлімінің әдіскерлері, аудан мектептерінің  тәрбие ісі жөніндегі орынбасарлары мен психологтары, ұланбасылары, 10-сынып оқушылары қатысты. Семинардың басты мақсаты: оқушылардың өмірге деген құлшынысын арттыру, стресс пен қобалжуды алдын алу, мамандармен тәжірибе алмасу.    Семинар барысында , «Стресті жеңу жолдары» тақырыбында гимназия психологы Меруерт Даулетқызы,

22.05.21 күні оқу жылын қорытындылау мақсатында Республикалық ата-аналар жиналысы болып өтті. Жиналыс барысында оқушылардың сабаққа қатысу белсенділігі, балалар психологиясы, жазғы мектептен оқу жүйесі қарастырылды. Ата-аналар өз сұрақтарына жауап алып, өз ойларын ортаға салды.

    20.05.2021 ж. «Сақтансаң, сақ боларсың!» тақырыбында 1-10 сыныптар аралығында, судағы қауіпсіздік ережелері туралы тәрбие сағаттары өткізілді. Балалардың суға шомыла білмеуі, адамдардың суда қауіпсіздік ережелерін, шараларын орындамауы орны толмас қайғы мен өкінішке айналып жатады. Жазда осындай келеңсіз жағдайлардың орын алмауын қамтамасыз ету мақсатында жүргізілген шаралардан оқушылардың алған тәлімі мол екені сөзсіз. 

   М.Мақатаев атындағы № 140 гимназияда, 15-мамыр Халықаралық отбасы күніне орай 5-7 сыныптар арасында, «Отбасы – бақыт мекені» атты викториналық ойын сабақтары өткізілді. Отбасы-мемлекеттің негізгі буыны. Болашақ ұрпақтың - еліне, Отанына деген сүйіспеншілігі алдымен ата-ананың ықпалымен қалыптасатыны сөзсіз. «Дәулет есіктен, ақыл бесіктен кіреді» демекші, білім бесігі мектептен, тәрбие бесігі отбасынан бастау алады.  Отбасы-адам баласының түп қазығы, алтын ұясы десек, осы орайда

    Адамға өмірде ең қымбаты – отбасы. Отбасында сүйіспеншілік, сыйластық, татулық, бауырмалдық болғанда бірлік болады.  15 мамыр Халықаралық отбасы күніне орай, гимназиямызда, “Отбасы - ұлттың тірегі” тақырыбында, 8-10 сыныптар арасында тәрбие сағаттары өткізілді.  Халқымыздың мақал - мәтелдерінен, даналық сөздерінен де ата-ананың қадір –қасиеті туралы айтылған асыл сөздерді таба аламыз. «Алты аға бірігіп - әке болмас,  Жеті жеңге бірігіп - ана болмас»,- деген сөзде де терең ой жатыр.

    Қан майданда қаза тапқан, батыр бабаларының рухына тағзым етіп, ерліктерін ұлықтау мақсатында, гимназиямыздың шәкірттері челлендж ұйымдастырған болатын. Соғыс жылдары көрсеткен ерліктері мен есімдерін тілге тиек етіп, игі бастаманың ұйытқысы болды.

    Гимназиямыздың әкімшілік ұжымы соғыс және тыл ардагерлерін айтулы мерекеде қалыс қалдырмай, құттықтап шықты. Ардагерлеріміздің жай-күйімен таныс болып, ақшалай сыйлық табысталды. Сонау сұрапыл соғыста елі, жері үшін қасық қаны тамғанша күрескен ардагерлеріміздің ерліктері ұмытылмақ емес! Ардагерлерімізді ардақтайық!

   Біз бақытты жандармыз, себебі Отанымыздың бейбіт аспаны астында дүниеге келдік. Ешқашан зеңбіректерден  жауған оқтардың, жарылған бомбалардың даусын естіген жоқпыз. Біз аштық пен суықты білмей, өз жақындарымыздың тағдырына алаңдамай өстік. Бізге, бейбіт өмірдегі балаларға, сол бір зұлмат соғыс жылдарындағы ауыртпалықты сезіну қиынға түседі. 

    2021 жылдың сәуір айында Алматы қаласы Орталықтандырылған кітапхана жүйесі мен Алматы қаласы сыбайлас жемқорлыққа қарсы департаментінің ұйымдастыруымен, гимназиямыздың аяулы ұстазы, Қазақстан Республикасы Білім беру ісінің Құрметті қызметкері, Ы.Алтынсарин атындағы «Үздік педагог»  төсбелгісі мен «Құрмет» орденінің иегері, ұстаз-ақын Сафура Сәлімбайқызы Темурбаеваның, шығармашылығына арналған «Адалдық – ардың ісі» атты онлайн мәнерлеп оқу байқауы ұйымдастырылды. Байқауға атсалысқан барша