ҚАУІПСІЗ ЦИФРЛЫҚ ОРТА – ЗАМАН ТАЛАБЫ

М.Мақатаев атындағы №140 гимназиясында құқықбұзушылықтың алдын алу мақсатында Бостандық ПБ полиция капитаны Жадыра Калбаева 8-сынып оқушыларымен «Кибербуллинг, буллинг, жалған ақпарат тарату» тақырыбында түсіндірме жұмыстарын жүргізді.
Кездесу барысында білім алушыларға әлеуметтік желідегі қауіпсіздік, кибербуллингтің зияны, жалған ақпарат таратудың құқықтық салдары және интернеттегі жауапкершілік туралы кеңінен түсіндірілді. Сонымен қатар оқушыларға өзара сыйластықты сақтау, қауіпсіз цифрлық орта қалыптастыру және заң талаптарын орындаудың маңыздылығы айтылды.
Іс-шара оқушылардың құқықтық сауаттылығын арттыруға және қауіпсіз мінез-құлық мәдениетін қалыптастыруға бағытталды.