ҰКБЖ (NISO): білім сапасын бағалаудың жаңа моделі

2025 жылдың 17 желтоқсан күні М.Мақатаев атындағы №140 гимназияда Ы. Алтынсарин атындағы Ұлттық білім академиясының ғылыми қызметкерлері Ғабит Мұқанайұлы, Күлжанат Нұрымжанқызы, Айгүл Тоқтарбайқызы, Айнұр Жақсылыққызы — «Ұлттық интеграцияланған бағалау жүйесінің тұжырымдамалық негіздері» (2023–2025 жж.) ғылыми-техникалық бағдарламасын іске асыру шеңберінде педагогтерге арналған оқу-әдістемелік семинар өткізді. Семинарда оқушылардың оқу жетістіктерін бағалаудың ұлттық кіріктірілген жүйесінің тұжырымдамалық негіздері мен оны жүзеге асыру жолдары, ҰКБЖ (NISO) цифрлық платформасының моделі, ұлттық интеграцияланған бағалау жүйесінің негізгі бағыттары талқыланды.