Ойлануға үйрету: бастауыштағы логикалық дамудың маңызы

М.Мақатаев атындағы №140 гимназиясының бастауыш сынып мұғалімі Амангелдиева Әсем Бауыржанқызының «Бастауыш сыныпта логикалық ойлауды жетілдірудің маңызы» атты мақаласы "Мұғалім мерейі" республикалық ақпараттық-танымдық педагогикалық журналында жарық көрді. Мақалада бастауыш сынып оқушыларының логикалық ойлау қабілетін дамыту жолдары, математикалық тапсырмалар арқылы ой тұжырымдау мәдениетін қалыптастыру, ойын-әдістерін тиімді пайдалану және оқушыларды зерттеушілік қабілетін дамыту туралы кеңінен жазылған. Автор оқу үдерісінде қолданылатын инновациялық тәсілдер, оқушының сыни ойлауын дамытатын тапсырмалар, сондай-ақ логикалық ойындардың тиімділігі туралы тәжірибелерімен бөлісті.