Математика сабағындағы жаңа тәсілдер мен жаңашыл ойлау

М.Мақатаев атындағы №140 гимназиясының математика пәні мұғалімі Әшір Гүлбаршынның
«Интерактивті әдістер арқылы оқушылардың есеп шығару дағдысын жетілдіру» атты ғылыми-тәжірибелік мақаласы "Мұғалім мерейі" республикалық ақпараттық-танымдық  журналында жарияланды.
Мақалада заманауи білім беру үдерісіндегі интерактивті әдістердің маңызы және олардың оқушылардың математикалық ойлау мәдениетін қалыптастырудағы ықпалы кеңінен талданған. Гүлбаршын Әшірқызы өз тәжірибесінде қолданған «Ойлан – жұптас – бөліс», «Дөңгелек үстел» секілді тиімді тәсілдер нәтижесінде оқушылардың пәнге қызығушылығының артқаны, топпен жұмыс істеу дағдысы дамығаны және есепті бірнеше жолмен шешу қабілеті артқаны туралы нақты мысалдарды көрсетеді.