Кәсіптік бағдар беру мақсатында гимназияның 10-11 - сыныптарына жоғары оқу орындарын таныстыру, мамандық таңдау, халықаралық бағдарламалардың мүмкіндіктері сынды тақырыптар аясында жүргізілген тренинг жұмыстары.

                   

     Қазанның 3-і М.Мақатаев атындағы №140 гимназияның 5-6-сыныптары арасында "Білгірлер бәйгесі" тақырыбында жаратылыстану бағыты бойынша сайыс болып өтті. Жүзден жүйрік, мыңнан тұлпар оқушыларымыз білімдерін ортаға салып, таным-түсініктерін кеңейте түсті. Жарыс нәтижесі қаралып, сараланып, үздік шыққан оқушылар жүлделі орындармен марапатталды.

     "Дублер" күніне орай М.Мақатаев атындағы №140 гимназияның "Өзін-өзі басқару" ұйым мүшелері ұстаздарының орнанына мұғалімдік қызмет атқарды. Жоғары деңгейдегі дайындықпен келген мұғалімдер, оқушыларды бірден үйіріп алды. Жаңа технологиялар мен ерекше жобалар ұсынған мұғалімдердің еңбектері ерекше бағаланып, ұстаздар тарапынан қолдау көрсетілді. Өздеріне ерекше әсер алып, шабыттанған оқушы мұғалімдеріміз қанаттана түсті әрі ұстаздық қызметтің ұлылығын ұғына алды.

Аға тәлімгерлік және директордың тәрбие ісі жөніндегі орынбасары бос орындарға орналасуға 2022 жылдың 26 қыркүйек пен 05 қазан аралығында конкурс тағайындалды. 30 қыркүйек күні Конкурстық комиссияның ұйғарымы бойынша Конкурсқа түскендердің құжаттары, жұмыстары тексеріліп, қазақ тілі мен әдебиеті мұғалімі ретінде Лесбекова Ұлмекен, ДТІЖО Утегулова Аканай жұмысқа қабылданды. 

Ұлт ұстазы - Ахмет Байтұрсынұлының 150 жылдық мерейтойына орай М.Мақатаев атындағы №140 гимназияда футболдан жарыс ұйымдастырылды. 9-10 – сыныптар арасында өткен тартысты жарыс нәтижесі төмендегідей:  І орын – 10 «Ә» сыныбы ІІ орын – 10 «В» сыныбы ІІІ орын – 9 «Д» сыныбы «Үздік қорғаушы» номинациясы – Дюйсенхан Жаслан «Үздік ойыншы» номинациясы – Маханов Дидар «Үздік қақпашы» номинациясы – Мұсырманқұлов Рауан

      Қыркүйектің 28-і М.Мақатаев атындағы №140 гимназияда, «Бүркіт» бастауыш  партия  ұйымының жиналысы өтті. Жиналыс барысында «Бүркіт» бастауыш партия ұйымының төрайымы Тілеубай Сәния Өскенбайқызы Саяси Платформа жобасын талқылап, «AMANAT» партиясы Бостандық аудандық филиалының кезектен тыс XXX конференциясына делегаттарды сайлау жөніндегі ақпаратпен таныстырды.

      Қарттар күніне орай №4 кітапханада қалалық деңгейде іс-шара өткізілді. Мерекелік бағдарламаға М.Мақатаев атындағы №140 гимназияның ұстазы Сымбат Спандиярқызының жетекшілігімен 9-сынып оқушылары барып қайтты. Ардагерлермен кездесу барысында оқушылар жыр-шумақтарынан шашу шашып, ізгі лебіздерін арнады. Ақылы асқан дариялардың ақыл-кеңестерін тыңдап, тағылымы мол кештің куәгерлері болды.

     М.Мақатаев атындағы №140 гимназияның 2021-2022 оқу жылындағы "Өзін-өзі басқару" ұйымының Президенті - Дінмұхамед Жігер, 2022-2023 оқу жылының "Өзін-өзі басқару" ұйымының мүшелеріне өзі қызмет атқарған табысты оқу жылындағы "Жас Ұлан", "Жас Қыранмен" өткізген іс-шаралардың есебін берді. Өткен оқу жылының қорытындысын шығарып, тұсауы кесілген жобалар мен іс-шаралардың маңыздылығын түсіндірді. Ізбасарларына ағалық кеңесін айтып, 2022-2023 оқу жылындағы "Өзін-өзі басқару" ұйымының Президенттік