«Елін сүйген, елі сүйген елбасы» тақырыбында сынып сағаттары

    1-желтоқсан – Қазақстан Республикасының тұңғыш президент күні. Қазақ халқы үшін еліміздің тұңғыш президенті – Нұрсұлтан Әбішұлы Назарбаевтың орны бөлек. Бұл мерекенің 1 желтоқсан болып таңдалу себебі де ерекше, өткен күндерді еске алатын болсақ, 1991 жылдың 1 желтоқсан күні бүкілхалықтық сайлау нәтижесінде қазақ елінің тұңғыш президенті сайланып, ұлт тарихында жаңа өзгерістер бастау алды.

Нұрсұлтан Әбішұлының бастауымен елімізде түрлі іс-шаралар, саяси, экономикалық, әлеуметтік реформалар жүзеге асты. Елбасымыздың кемеңгерлік саясаты арқасында қазақ елі өзге елдерде таныла бастады. Ел іргесі, шекарасы нақтыланды, заңмен бекітіліп, жеке қарулы күштері  құрылды. Елбасымыз қазақ халқы үшін аянбай қызмет етті. Сол себепті болар, елбасымыз халық арасында зор құрметке ие.

Еліміз үшін айтулы күнге орай гимназиямызда «Елін сүйген, елі сүйген елбасы» тақырыбында сынып сағаттары өтілді.