"Tutor Up" білім беру орталығы

      М.Мақатаев атындағы №140 гимназиямыздың талапты әрі алғыр шәкірті - Түлепберген Сұңқар Еркенұлы, Tutor Up білім беру орталығы 14.02.2021ж ұйымдастырған Мұқағали Мақатаевтың 90 жылдық мерейтойына арналған «Мұқағали – мәңгілік жыр» атты балалар арасындағы конкурсқа қатысып, сертификат иегері атанса, Республикалық  «Жас Дарын» және «ӨРЛЕУ» порталдарының ұйымдастыруымен Қазақтың ұлы ақыны Мұқағали Мақатаевтың 90-жылдығына орай ұйымдастырылған ақынның өлеңдерін мәнерлеп оқу шығармашылық байқауына қатысып, «Өлең сөздің патшасы» номинациясында үздік нәтиже көрсеткені үшін І дәрежелі дипломмен марапатталды. 

Тұңғыш Президентіміз – Елбасы Нұрсұлтан Назарбаев “Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында”, – деп мұғалімдер қауымына үлкен сенім, зор жауапкершілік артқан болатын. Адам баласын ұлы мақсаттарға жеткізетін ұлы күш – білім, оны жас ұрпақтың бойына дарытушы ұстаздар қауымы екені сөзсіз. Шәкірт бойындағы талап пен талпынысын байқап, шығармашылығын шыңдай білген ардақты ұстазымыз Сарварова Халида Рахманбердіқызына алғысымызды білдіре отырып, еңбегінің жеңісімен құттықтаймыз!