Бүгінгі жас - болашақ ұстаз

22 қаңтар күні ШЖҚ "М.Мақатаев атындағы №140 гимназияда" Абай атындағы Қазақ ұлттық педагогикалық университетінің қазақ тілі мен әдебиеті және орыс тілі мен әдебиеті мамандығы бойынша педпрактикадан өтуге келген 23 студентке гимназия басшысы Тілеубай Сәния Өскенбайқызы гимназия ережесімен таныстырды. Болашақ педагог мамандардың теориялық білімдері мен практикалық тәжірибелерін ұштастыратын негізгі форма – педагогикалық практика. Жоғарғы оқу орнының студенттеріне қойылатын талаптар мен міндеттері саралап, педагогикалық білімін жетілдіруге қол ұшын созды. Педагогикалық практика болашақ мамандардың кәсіби біліктілігі мен дағдыларын

қалыптастыруда, болашақ педагогтардың кәсіби қалыптасуында үлкен және маңызды рөл атқарады. Практикадан өту барысында студенттердің теориялық білімдері тереңдетіледі, кеңейеді, нығайтылады. Студенттердің кәсіби білік-дағдылары мен кәсіби-тұлғалық қабілеттері қалыптасып, педагогикалық ойлауы, шығармашылық белсенділігі мен дербестігі дамиды.