«Менің азаматтық ұстанымым» тақырыбында түсіндірме жұмыстары өтті

      Қазіргі  таңда  өскелең  ұрпақты  тәрбиелеу маңызды мәселелердің бірі болып табылады. Олардың қоршаған ортаға бейімделуі,  қоғамда  өз  орындарын дұрыс бағыттай алуы, құқықтарының  қорғалуы, үлкендер тарапынан зорлық-зомбылыққа ұшырамауы сынды мәселелердің алдын-алу мақсатында жүргізілетін жұмыстардың маңыздылығы зор. 

Қыркүйектің 7-сі М.Мақатаев атындағы №140 гимназияның 9-сыныптары арасында «Менің азаматтық ұстанымым» тақырыбында түсіндірме жұмыстары өтті. Бостандық ауданы АПБ ЖПҚБ ЮПБ аға УПИ полиция майоры А.М.Нургалиева қоғамдағы келеңсіз оқиғалардан сақтану, зиянды әдеттерден аулақ болу сынды мәселерлерді көтеріп, құқық бұзушылықтың алдын алу шараларына тоқталып өтті. Мектеп басшысы Сәния Өскенбайқызы мектеп ережелері мен тәртібіне бағыну, патриоттық тәрбие қалыптастыру, сыбайлас жемқорлықтың алдын алу сынды мәселелерді көтерсе, директордың тәрбие ісі жөніндегі орынбасарлары З.А.Аскербекова мен Г.Нусипхан құқық бұзушылықтың зардаптары мен әкімшілік жауапкершілігін түсіндіріп, оқушыларға ұлттық тәрбиенің маңыздылығын айқындай түсті.