"Өзін-өзі тану: Махаббат пен Шығармашылық педагогикасы" онкүндігінің аясында өткізілген "Адамгершілік пен руханияттың мөлдір бұлағы" атты аудандық балалар шығармашылығы байқауында М.Мақатаев атындағы №140 гимназияның 6 "Б" сынып оқушысы, Манарбеков Абылай  ІІІ орынды иеленсе, аудандық "Асыл жүрек" атты эссе байқауында 10 "В" сынып оқушысы, Қайыржанова Ару ІІ орын иегері атанды. Шәкірттерімізді марапаттарымен құттықтай отырып, шығармашылық табыс тілейміз.

     Шындықтан туған шынайы поэзияның иесі, қазақтың қара өлеңіне ешкімге ұқсамайтын өзгеше рең, өшпес бояу беріп, қайталанбас құбылысқа айналған ақиық ақын, миллион сырлы сезімнің иесі –  Мұқамедқали, Мұқағали Мақатаевтың бүгінгі туған күніне орай,  гимназияда «Әр өлеңі – бір әлем»  атты ертеңгілік өтті. Ақын шығармашылығынан жырлары оқылып, әндері шырқалды. Өшпес мұрасы насихатталып, балалардың танымдық дүниетанымы арта түсті.

       Ақпан айының 9-ы жарық дүниеге өзімен бірге өршіл рух пен өлмес өлеңдерді арқалай келген ақиық ақын – Мұқағали Мақатаевтың туған күні. Күпі киген қазақтың қара өлеңін шекпен жауып қайтарған классик, дала даналығын бесігінен сімірген дарабоз, өзгелер көре білмеген сырды, өзгелер өре білмеген жырды ұсына білген – сөз ұстасы. Ақын атын арқалаған №140 гимназияның бітіруші түлектері мен ұстаздары Мақатаев көшесінде орналасқан Мұқағали мүсініне гүл шоқтарын қойып, жырларынан шашу шашып қайтты.

    «Мұқағали – мәңгілік жыр» айлығы аясында гимназияда  07.02.2022ж. күні  “Жарастық пен келісімнің жаршысы” атты ғылыми жобалар байқауы ұйымдастырылды. Оқушылар ақын шығармашылығын жас ерекшеліктеріне қарай берілген пәндермен ұштастыра отырып, толыққанды дайындықпен ғылыми жобаларын жоғары деңгейде қорғап шықты. Нәтижесі айлықтың қорытынды кешінде айтылып, марапатталады.

        Бүгін менің туған күнім, ой пәлі-ай!         Мына жұрттар неғып жатыр тойламай?! , - деп жырлаған ақиық ақын М.Мақатаевтың  90 жылдық мерейтойы Республика көлемінде тойланып келеді. Гимназиямызда жыл сайын  дәстүрлі түрде «Мақатаев айлығы» ұйымдастырылуда. Осы орайда ақпанның 3-і күні 5-11 сыныптар аралығында «Менің бүгін туған күнім» атты онлайн мәнерлеп оқу байқауы өтті. Байқауға әр сыныптан екі оқушыдан барлығы 70 оқушы қатысты. Zoom платформасы арқылы өткен байқау тартысқа толы

    М.Мақатаев атындағы №140 гимназияда 05-07.02.2022 күндері өрттің қаншалықты қауіпті екені туралы балаларға түсіндірме жұмыстарын ұйымдастыру, білімдерін кеңейту, өрттің алдын алу мақсатында «Тұрғын үйдегі өрт қауіпсіздік ережелері» тақырыбында 1-11 сынып оқушыларына сынып сағаты өткізілді. Сынып сағаты барысында оттың тілсіз жау екендігі, оның зияны мен қауіпсіздігі туралы толық мағлұмат берілді. Балаларға оттан сақтанудың жолдарын, өрттің табиғатқа, адамға әкелетін зардабын түсіндіре

     Тәуелсіздіктің 30 жылдығына орай 5-11 сынып оқушылары арасында өткен “Менің елім - Қазақстан” атты қалалық сурет байқауында жүлделі І орын алған шәкіртіміз - Жунисбекова Шадиярды марапатымен құттықтаймыз.

    Ұлт ұстазы - Ахмет Байтұрсыновтың 150 жылдығына орай 5-11 сынып оқушылары арасында өткен “Ахмет Байтұрсынов - ақын және ағартушы” атты қалалық сурет байқауына қатысып, жүлделі І орын иегері атанған 10-сынып оқушысы Дінмұхамед Жігер мен сертификат иегері Бақытжан Мирасты жүлделерімен құттықтаймыз.

  02.02.2022 күні гимназиямызда «Дүниежүзілік дауыс беру күні» аясында дөңгелек үстелдер өтілді. Аталмыш шараның мақсаты: «Дүниежүзілік дауыс беру күні» жайында ақпарат беріп, білімдерін толықтыру. Демократиялы елдің ең басты мүмкіншілігін қолдануға әрбір азамат пен азаматша құқылы екендігін ұғындыру.    Міндеті: Оқушылардың білім өрістерін, жан жақтылықтарын дамыту; әлем үшін айрықша есептелетін күндерді білуге, таным көкжиектерін кеңейтуге талпындыру. Оқушыларға «дауыс берудің» маңызы мен