13.11.2021 жылы 5-11-сынып оқушыларына «Қазақстан Республикасындағы балалардың құқықтары және олардың міндеттері» тақырыбында сынып сағаты өтті. Бала құқығы Қазақстан Республикасының 2002 жылғы 8 тамыздағы N 345 Заңында айтылған. 53 баптан тұратын бұл заң балалар мен жасөспірімдердің жеке мүддесін қорғауға, тұлға ретінде тануға және қалыптастыруға жол береді. Сынып сағатында оқушыларға бала құқығы мен оның міндет-мақсаттары толықтай таныстырылып, түсіндірілді. 

     Қарашаның 2-сі, Қазақстан Республикасы Тәуелсіздігінің 30 жылдығына, Қазақстанның спорт және туризм академиясында каратэ мамандандыруының ашылуына 20 жыл толуына орай, бірінші Алматы қаласының бүкіл стильдік ашық турнирі өтті. 10-11 жас аралығындағы балалар арасында өткен жарыстан  гимназияның 5 «Д» сынып оқушысы – Талғатұлы Ілияс, ІІ орынды иеленді. Көк туымызды әлемдік аренада желбіретін спортшы болуына тілектеспіз!

    М.Мақатаев атындағы №140 гимназияның  5 «Е» сынып оқушылары күзгі демалыста түрлі жарыстарға қатысып, жүлделі орындарға ие болды. Тойбазар Амина халықаралық би конкурсынан бас жүлдені иеленді, Бейсен Арсен шахмат жарысынан ІІІ разрядқа өтсе, Боранбай Байсұлтан таэквондодан өткен  жарыста алтыннан алқа тақты. Оқушыларды және бала жанынан табылып, қолдау көрсеткен ата-аналарды жеңістерімен құттықтаймыз!

    10.11.2021 жылы гимназиямызда 5 «Е» сыныбында ата-аналар жиналысы болып өтті. Ұлағатты ұстаз Сафура Сәлімбайқызы жүргізген ата-аналар жиналысы мектеп – ата-ана – оқушы үштігінің дәстүрлі беріктігін сақтауға бағытталған. Жиналыс барысында ата-аналарға түрлі сауал қойып, ортақ шешім, жауап берілді. Аталмыш жиналыста «Альфа ұрпақ жайлы не білесіз?», «Ата аналарға кеңес» сынды тақырыптарда бейнебаяндар қойылып, бала тәрбиесі мен қалыптасуы төңірегінде пікір алмасты. 

   М.Мақатаев атындағы №140 гимназияда қарашаның 10-ы күні, пікірталас қозғалысын дамыту мақсатында “Мұзбалақ” пікірсайыс клубының  кезекті жиналысы болып өтті. Жиналыс барысында Америкалық парламеттік форматының қыр-сыры түсіндіріліп, ақпарат алмасылды. Жиналысқа 7,8,9-сынып оқушылары қатысып, ойын қағидаларымен таныс болды.  Жаңа тақырыптар талданып, қызу талқыға түсті. Алдағы уақытта клуб жиналыстары ұйымдастырылып, аудандық бәсекелерге дайындық жұмыстары жүргізілмек.

    Бүгінде дербес ел болып, уығымызды қадап, шаңырағымызды көтеріп, ерікті еркін мемлекетімізді құрып, Қазақстан Республикасы атанып, көк байрақ туымызды желбіретіп әлемге әйгілі болуымыз - Тәуелсіздікке қол жеткізуіміздің арқасы. Осы Тәуелсіздік жолында жанын пида еткен 1986 жылдың ақтаңдақтарын келер ұрпаққа насихаттау, ерліктерін ұлықтау мақсатында, қазанның 30-ы М.Мақатаев атындағы      №140 гимназияның 9-сынып оқушылары арасында,  «Тәуелсіздік – бабалар аманаты» тақырыбында дөңгелек үстел

     «Туған жерге деген сүйіспеншілік Туған елге – Қазақстанға деген патриоттық сезімге ұласады» деп, Еліміздің тұңғыш Президенті Н.Ә.Назарбаев айтқандай, Отан – отбасынан басталатыны рас. Осыған орай, Қазақстан Республикасы Білім және ғылым министірлігінің «Дарын» республикалық ғылыми-практикалық орталығы ұйымдастырған жас тарихшылардың «Менің шағын Отаным» атты IV республикалық зияткерлік конкурсы өтті.  Осынау атаулы іс-шараның ашылуы мен жабылу салтанатындағы концерттік бағдарламаны

«Діни экстремизм – бейбітшілік пен тұрақтылыққа төнген қауіп» танымдық дәріс    Бүгінгі таңда әлем бойынша күн тәртібінен түспей тұрған өзекті мәселелердің бірі – терроризм. Діни білімнің аздығынан немесе арбаушылардың көптігінен жастардың арасында адасулар көптеп кездесіп жатыр. Қазанның 11  күні,  9-11 – сынып оқушыларына  «Діни экстремизм – бейбітшілік пен тұрақтылыққа төнген қауіп» атты дәріс оқылды. Дәрісті директордың оқу-ісі жөніндегі орынбасары Бақтияр Үсенұлы мен дінтанушы Қамысбек