Алматы қаласы бойынша көркем гимнастикадан ашық чемпионатта І орын алған шәкіртіміз Шарипова Алманы жеңісімен құттықтаймыз! Бағындырар белесің таусылмасын!

     Гимназиямызда 3, 4, 5-сынып оқушылары арасында ақиық ақын Мұқағали Мақатаевтың туғанына 91 жыл толуына орай тоғызқұмалақтан жарыс ұйымдастырылды. Аталмыш жарыстан ІІІ орынды Маханов Дарын, ІІ орынды Нұрбай Айша, І орынды Келербек Бексұлтан иеленді. Логика мен есепке сүйенетін, ойлану мен батылдықты талап ететін тоғызқұмалақтан алар тоғыздарыңыз көбейе берсін. Өмір жолдарыңызда септігі тиер серік болсын. Сіздерге даналық пен даралық тілейміз.

    “Географиялық білім берудегі озық ой және заманауи көзқарас” тақырыбында Оңтүстік Қазақстан облысында география пәні мұғалімдерінің сьезі өтті. Сьезге мектебіміздің ұстазы  Қарғабаева Ләззат Төлеуқызы қатысты. Республиканың түкпір-түкпірінен жиналған ұстаздармен бір мақсатта ой өрбітіп, өз тәжірибелерін ортаға салды. Жобасын қорғап, жол салған ұстазымызға шығармашылық табыс тілейміз.

    М.Мақатаев атындағы №140 гимназияның 9-сынып оқушылары арасында ақиық ақын Мұқағали Мақатаевтың туғанына 91 жыл толуына орай волейболдан жарыс ұйымдастырылды. Тартысқа толы спорттық жарыста ІІІ орынды 9 "Г" сыныбы, ІІ орынды 9 "Е" сыныбы, І орынды 9 "Ә" сыныбы иеленді. Ауызбіршілікпен бір командада ойын жүргізген әрбір қатысушыға алғыс білдіреміз. Бағындырар белестеріңіз таусылмасын.

     М. Мақатаев атындағы №140 гимназияның 1-11 – сынып оқушылары арасында бүкіләлемдік өрмек – интернетке байланысты балалардың білімдерін нығайту, ғаламтор туралы толық ойларын қалыптастыру, тапқырлық, ізденімпаздық қасиеттерін қалыптастыру, шығармашылыққа баулу, қызығушылықтарын арттыру мақсатында «Қауіпсіз ғаламтор» тақырыбында сынып сағаттары өтті. Сабақта ғаламтордың пайдасы мен зияны сараланып, ақпарат көздерінің ақ пен қарасын ажырату, тиімді пайдалану сынды мәселелер көтерілді.

    Сәуірдің 9-ы күні мектебімізде «Біз таза қала үшін» тақырыбында сенбілік өтті. Мектеп ұжымы толық мектеп ауласына шығып, тазарту жұмыстарымен айналысты. Ағаштар әктеліп, гүлдер егіліп, жасылдандыру жұмыстары қарқынды жүргізілді.

     М.Мақатаев атындағы №140 гимназияның 200-ден астам  5-сынып оқушылары сәуірдің 9-ы күні Алатау дәстүрлі өнер театрының қонағы болып қайтты. Нұржан Тутовтың режиссерлігімен қойылған "Әгугай мен Игигай" атты  халық ертегілері мен дәстүрлі әндерден құралған музыкалық қойылымды тамашалады. «Егінші мен қасқыр», «Алдардың айласы», «Күй құдіреті» атты 3 бірдей ертегілер мектептен тыс оқушылармен жұмыс үшін ұтымды әрі таптырмас тәрбие құралы екені сөзсіз. Қойылым тек қана баяндаудан тұрмайды. Ән,

    Дзюдо күресінен 2010-2011 жылы туылған жасөспірім ұл, қыздар арасында "Халық батырлары Иса Досан" жүлдесіне арналған ХІІ халықаралық турнирінде 46 кг салмақ дәрежесінде І орынды мектебіміздің шәкірті Асылбек Нұрали иеленді. Спорттық жарыстарда ғана емес, өмірде де тек алдыңғы қатарда жүріп, жеңіс тұғырынан көріне бер.  Әлемдік аренда қазақтың туын көтеріп, қазақтың әнін шырқатар шымыр азамат болғайсың! Тек алға!

    Алматы қаласы Білім басқармасының «Алматы дарыны» дарынды балалар мен талантты жастарды анықтау және қолдау жөніндегі орталықтың ұйымдастыруымен наурыз мерекесіне орай дебат қозғалысының үйлестірушілері мен жетекшілері арасында өткен «Сұңғыла сөз» қалалық пікірсайыс турнирінде «Үздік талпыныс» номинациясы бойынша гимназиямыздың қазақ тілі мен әдебиеті пәні мұғалімі «Мұзбалақ» пікірсайыс клубының жетекшісі, дебат қозғалысының координаторы Демжанова Гүлбану ІІІ орынға ие болды. 

    06. 04. 2022 жыл. Республикалық семинар. Республика көлеміндегі іс-шараны өткізу қаламыздағы М. Мақатаев атындағы №140 гимназияға жүктелген. “Тойдың болғанынан боладысы қызық” – дегендей, жауапкершілікті сезінген мектеп ұжымы ә дегеннен дайындықты бастап кетті. “Басқару менеджменті: Педагогикалық әдеп қағидаларын ұстана отырып жұмыс жүргізудің нәтижелілігі” тақырыбындағы семинарға келген қонақтарды мектеп оркестрмен қарсы алды. Тамылжыта түрлі күйде қалықтаған аспаптар үні келген жанның