«Ұлт болашағы – ұстаз қолында» тақырыбында кездесу

   М. Мақатаев атындағы №140 гимназияда «Ұлт болашағы – ұстаз қолында» тақырыбында кездесу ұйымдастырылды. Кеш қонақтары: ережесіз жекпе-жектен әлемнің үш дүркін чемпионы, Еуразия мен Азия біріншіліктерінің жеңімпазы, Алаштың мақтан тұтар ардақты азаматы – Ардақ Назаров Құттықожаұлы мен ақын, аудармашы – Қалшабек Абай Батырұлы. Руханият аясында ой өрбітіп, тағылымға толы дәріс оқылды. Ұлт ұстазы А.Байтұрсыновтың «Әдебиет танытқыш», М.Жұмабаевтың «Педагогика» кітаптары жан-жақты талданып, ұстаздың шәкірт өміріндегі маңыздылығына мән берілді. Айтулы би-шешендердің әңгімелерінен мысалдар айтылып, мұғалім мен оқушы қарым-қатынасы қамтылды. Ұстаздар жылы лебіздерге толы шарадан рухани азық алып, тәтті тілектермен тарасты.