«Отбасы – бақыт мекені»

   М.Мақатаев атындағы № 140 гимназияда, 15-мамыр Халықаралық отбасы күніне орай 5-7 сыныптар арасында, «Отбасы – бақыт мекені» атты викториналық ойын сабақтары өткізілді. Отбасы-мемлекеттің негізгі буыны. Болашақ ұрпақтың - еліне, Отанына деген сүйіспеншілігі алдымен ата-ананың ықпалымен қалыптасатыны сөзсіз. «Дәулет есіктен, ақыл бесіктен кіреді» демекші, білім бесігі мектептен, тәрбие бесігі отбасынан бастау алады.  Отбасы-адам баласының түп қазығы, алтын ұясы десек, осы орайда ұйымдастырылған ойын түріндегі викториналық сабақтарда, барлық отбасы құндылықтары дәріптеле отырып, өз деңгейінде шәкірт көңілінде мейірім ұялата білді.