06
апрель
2024
Апат айтып келмейді...
Бала күнімізде ата-әжелеріміздің «табиғат апатынан, тосынннан келген кесапаттан сақта» деген сөздерінің мән-мағынасын, қазір, түсінген жасқа жеттік. Президентіміз Қ.К. Тоқаев еліміздің жер-жерінде болып жатқан төтенше жағдайды шешуде дұрыс шешім қабылдады. Мемлекет үшін бастысы- адам өмірінің қауіпсіздігі. Зардап шеккендерге психологиялық, медициналық, материалдық көмек мемлекет тарапынан көрсетілуде. Халықтың бірлігі, қоғамның ынтымағы, рухымыздың беріктігі сыналатын сәт бұл. Алматы қаласындағы №140 гимназияның ұстаздар ұжымы еліміздің басына туған сын сағатта, елмен бірге екендіктеріне үн қосты. Теңізге тамған тамшыдай болса да, өздерінің 2 күндік еңбекақыларын көмекке аударуды бірауыздан қолдады.
Су жайлады елдің ішін бір демде,
Тілсіз жаулар жүреді әркез іргеңде.
Қазақ елім, мұң-қайқыға берілме
Сүрінбедік бұдан жаман күндерді.
Бұл өмірден таба алармыз жақұтты,
Ең бастысы бағалайық уақытты.
Жерімізге енді апат келмесін,
Қазақ елі ғұмыр кешсін бақытты!