Мұқағали Мақатаевтың туған күніне орай 7,8 сыныптар арасында мектепішілік волейболдан жарыс өтті. I орынды 8 "Б", II орынды 8 "А", III орынды 8 "В" сынып оқушылары иеленді. Мұхамади Әлнұр "ҮЗДІК ОЙЫНШЫ", Тұрғанбаев Райымбек "ҮЗДІК ШАБУЫЛДАУШЫ",Базарбай Абылай "ҮЗДІК ҚОРҒАУШЫ" номинацияларын иеленді. 

13.02.2023 5-11 сынып оқушылары, ата-аналары арасында Мұқағали Мақатаевтың сөзіне жазылған әндер байқауы өтті. Байқауға ата-аналардан бөлек, сынып жетекшілері де қатысып, бақ сынады. Әкелер, аналар, ата-әжелер ән салған бұл кеш өте қызықты өтті. Қатысушылар "Үздік әнші", "Үздік жұп", "Үздік орындаушы", "Үздік әуен" номинацияларын иеленді. 

1"Ж" сынып оқушысы Алиұлы Алимжан Бишкекте өткен Халықаралық каратэ байқауынан жүлделі 2-орынды қанжығасына байлады. Тамаша жетістік көрсеткен шәкіртіміз үшін қуаныштымыз! Биік белестерді бағындырып, жетістіктерге жете беруіне тілектеспіз! Құттықтаймыз!

Қалалық дзюдо жарысынан  2 "К" сынып оқушысы Азамат Айсултан 3-орын иеленді. Шәкіртімізді шын жүректен құттықтаймыз! Биіктерден көрінуіне тілектеспіз! 

Мұқағали Мақатаевтың туған күніне орай бүгін мектебімізде 7-8 сынып оқушылары арасында үстел теннисінен жарыс өтті. I орынды 7 "Б" сынып оқушылары, II орынды 8 "А" сынып оқушылары, III орынды 8 "Г" сынып оқушылары иеленді. Баймұхан Жәнібек, Жақсыбай Ислам "Үздік ойыншы" номинациясымен марапатталды.

Жалпы білім беретін мектеп оқушыларының арасында республикалық "Мағжан оқулары" ғылыми-шығармашылық байқауының аудандық кезеңінде "Өлең - менің Шолпаным, Айым, Күнім" - Мағжан шығармашылығын жатқа оқу номинациясы бойынша шәкіртіміз 5 "А" сынып оқушысы Арыстанбек Халима II орын, "Жасынан  оқу оқып, өнер қуған…" ғылыми жобалар номинацисы бойынша 10 "В" сынып оқушысы Салибеков Азамат II орын иеленді. Шын жүректен құттықтаймыз!

"Шабыт қанатында" I Республикалық шығармашылық конкурсына қатысып, жетістікке жету жолындағы еңбігінің арқасында шәкіртіміз 4 "А" сынып оқушысы Елубай Айасыл бас жүлдені иеленіп алды. Үздік  өнер көрсеткен шәкіртіміз Алматы қаласында өтетін "Жеті өнер" VII Халықаралық шығармашылық фестиваліне қатысуға жолдама алды. Құттықтаймыз! 

7 "Е" сыныбы сынып жетекшісі Нұрсұлу Амангелдіқызымен бірге аса көрнекті мемлекет және қоғам қайраткері, үш мәрте Социалистік Еңбек Ері, академик Дінмұхамед Ахметұлы Қонаев атындағы музейге қонаққа барып қайтты. Балалар музей жайында көптеген қызықты ақпараттармен таныс болды. Бұл мұражай өз жәдігерлерінің құндылығымен ерекшеленеді. Мұнда Дінмұхамед Ахметұлының жекелеген заттары, техникалық, анықтамалық және көркем әдебиеттер, өнер жөнінде альбомдар, авторлардың жекелей қолтаңбасы жазылған

Ақиық ақын Мұқағали Мақатаевтың туған күніне орай 9-10 сынып оқушылары арасында волейболдан жарыс өтті. Әр сыныптан команда құралып, балалар арасында тартысқа толы сайыс болды. I орынды 9 "А" сынып оқушылары, II орынды 10 "А" сынып оқушылары,  III орынды 10 "В" сынып оқушылары иеленді. "ҮЗДІК ҚОРҒАУШЫ" номинациясымен 9 "А" сынып оқушысы Тургинбек Томирис, "ҮЗДІК ОЙЫНШЫ" номинациясымен 10 "А" сынып оқушысы Бекенқызы Мөлдір марапатталды.

03.02.2023 жылы Алматы облыстық кітапханада "Күн боламын!" деген арыстары еді қазақтың"атты алаштың үш арысының 130 жылдығына арналған конференция өтті. Конференцияда "Ұлтымның ер тұлғаларынан ұлағат аламын" сериясы бойынша жарық көрген Алаштың біртуар ұлдары Біләл Сүлейұлы, Мағжан Жұмабаев,  Сұлтанмахмұт Торайғырұлының өнегелі өмірін баяндайтын кітаптардың тұсаукесері болды. Әріптесіміз Айкүміс Сайлауханқызы 9"Ж" сынып оқушыларымен бірге барып, керемет шараның куәсі болып қайтты. Қазақтың