Алматы қаласы бойынша көркем гимнастикадан ашық чемпионатта І орын алған шәкіртіміз Шарипова Алманы жеңісімен құттықтаймыз! Бағындырар белесің таусылмасын!

     Гимназиямызда 3, 4, 5-сынып оқушылары арасында ақиық ақын Мұқағали Мақатаевтың туғанына 91 жыл толуына орай тоғызқұмалақтан жарыс ұйымдастырылды. Аталмыш жарыстан ІІІ орынды Маханов Дарын, ІІ орынды Нұрбай Айша, І орынды Келербек Бексұлтан иеленді. Логика мен есепке сүйенетін, ойлану мен батылдықты талап ететін тоғызқұмалақтан алар тоғыздарыңыз көбейе берсін. Өмір жолдарыңызда септігі тиер серік болсын. Сіздерге даналық пен даралық тілейміз.

     М.Мақатаев атындағы №140 гимназияның 200-ден астам  5-сынып оқушылары сәуірдің 9-ы күні Алатау дәстүрлі өнер театрының қонағы болып қайтты. Нұржан Тутовтың режиссерлігімен қойылған "Әгугай мен Игигай" атты  халық ертегілері мен дәстүрлі әндерден құралған музыкалық қойылымды тамашалады. «Егінші мен қасқыр», «Алдардың айласы», «Күй құдіреті» атты 3 бірдей ертегілер мектептен тыс оқушылармен жұмыс үшін ұтымды әрі таптырмас тәрбие құралы екені сөзсіз. Қойылым тек қана баяндаудан тұрмайды. Ән,

    Дзюдо күресінен 2010-2011 жылы туылған жасөспірім ұл, қыздар арасында "Халық батырлары Иса Досан" жүлдесіне арналған ХІІ халықаралық турнирінде 46 кг салмақ дәрежесінде І орынды мектебіміздің шәкірті Асылбек Нұрали иеленді. Спорттық жарыстарда ғана емес, өмірде де тек алдыңғы қатарда жүріп, жеңіс тұғырынан көріне бер.  Әлемдік аренда қазақтың туын көтеріп, қазақтың әнін шырқатар шымыр азамат болғайсың! Тек алға!

    Алматы қаласы Білім басқармасының «Алматы дарыны» дарынды балалар мен талантты жастарды анықтау және қолдау жөніндегі орталықтың ұйымдастыруымен наурыз мерекесіне орай дебат қозғалысының үйлестірушілері мен жетекшілері арасында өткен «Сұңғыла сөз» қалалық пікірсайыс турнирінде «Үздік талпыныс» номинациясы бойынша гимназиямыздың қазақ тілі мен әдебиеті пәні мұғалімі «Мұзбалақ» пікірсайыс клубының жетекшісі, дебат қозғалысының координаторы Демжанова Гүлбану ІІІ орынға ие болды. 

   Алматы қаласының балалар музыкалық мектептері мен өнер мектебі оқушыларының жас музыканттарының 55-қалалық фестиваль байқауында  ІІ дәрежелі дипломмен Бекмурза Нұрай марапатталды. Әсем әуеніңмен әуелетіп, қоңыр үніңмен күмбірлеп қазақ әндерін әлемде шырқар шығармашылық шабыт тілейміз.

    2022 жыл «Балалар жылы» аталуына орай жасөспірімдердің өнерге деген ынтасын арттыру мақсатында ұйымдастырылған «ЖЫЛ ТАЛАНТЫ» атты  халықаралық  шығармашылық шеберлік байқауында мектебіміздің «Еркем-ай» би ансамблі және биші қызымыз Тоқтар Медина ГРАН-ПРИ жеңіл алды. Көркемдік жетекшісі: Мадыханова Аида Төреханқызы. Қазақ қызының сұлулығы мен нәзіктігін сахна төрінде  көрсететін қыздарымыздың мың бұрала билегендегі әрбір қимылы қарағанға көз тойдырады. Қара көзді қызғалдақтарымыздың

     Республикалық қашықтықтан өткізілетін олимпиадалар орталығы республикалық олимпиада нәтижесінде І орынды Маханбет Ердәулет жеңіп алды. Жетекшісі Сарварова Халида Рахманбердіқызына республикалық олимпиада жеңімпаздарын және қатысушыларын дайындағаны үшін алғыс білдіреді. Алдағы уақытта биіктерді бағындырып, білім бәсекесінде топ жаруларыңызға тілектеспіз!

    Халықаралық «Пони – ұлы Тілтану елінде» онлайн байқау бойынша жүлделі І орынды Спандияр Ақылжан жеңіп алды. Ақылжанға оқуда озат, өмірде жеңімпаз бол дегіміз келеді.

     Ақиық ақын Мұқағалидың шығармашылығына арналған 7-11 сынып оқушылары арасында өткен аудандық «М.Мақатаев оқулары» байқауының «Айтып өткен ақында арман бар ма?» кезеңінде 8-сынып оқушылары  Қадыржан Алинұр ІІІ дәрежелі дипломмен марапатталса, Аубакир Абзал бас жүлдеге ие болды. Жетекшісі: Әбдіманап Нұрила Қанатқызы.   Ақынның отыздан астам өлеңдерін жатқа білетін шәкірттеріміздің шығармашылығы шыңдала берсін. Алар асуларыңыз таусылмасын дегіміз келеді. Ақиық ақын Мұқағалидың шығармашылығына