Жеңіс күні мерекесіне орай "Желбіре, жеңіс жалауы!" тақырыбында мектебімізде мерекелік іс-шара өтті. Жеңіс жолында аянбай күрескен батырларымызды еске алып, ерліктеріне алғыс айттық. Шәкірттеріміз ән салып, би билеп, соғыс жылдарынан көрініс қойды. 

Мектеп бітіруші түлектерімізге арналған "Балалық шаққа саяхат" атты бастауыш сынып мұғалімдерінің ұйымдастыруымен сабақ өтті. 11-сынып оқушылары өздерінің мектеп табалдырығын алғаш аттаған күннен бастап оқыған әліппесін, жазған жұмыстарын, бастауыш сыныптағы суреттерін қарап, балалық шаққа саяхат жасап қайтты. Сынып жетекшілеріне алғыс айтып, көңілді уақыт өткізді.

Ұлы Жеңіс күні құтты болсын! Еліміз аман, жұртымыз тыныш болсын!

9 мамыр Жеңіс күніне орай ардагерлерімізді құттықтап қайттық. Мектебіміздің еріктілер ұйымының мүшелерімен бірге ардагерлерді мерекемен құттықтап, сый-сияпатымызды көрсеттік.  Жеңіске себепкер болған әр батырға тағзым етеміз, олардың ерліктерін еш ұмыт қалдырмаймыз. Жеңіс күні құтты болсын!

7 мамыр Отан қорғаушылар күніне орай 7 “Г” сынып оқушылары мерекелік іс-шара ұйымдастырды. Көңілді ән салып, қуаншты көңіл-күй сыйлады. Әке, ағалар, аталар концерт көріп, балаларына ақ тілектерін жаудырды. Ән салып, би билеп, бар өнерлерін ортаға салған оқушылар іс-шараны жоғары деңгейде өткізді. Сынып жетекшісі Шәкібаева Әслехан Әлқуатқызы

7 мамыр Отан қорғаушылар күніне орай 6,7 сынып оқушылары арасында футболдан жарыс өтті. I орынды 6 “А” сынып, II орынды 7 “Б” сыныбы, III орынды 7 “Ж” сынып оқушылары иеленді. “ҮЗДІК ОЙЫНШЫ” номинациясымен 6 “А” сынып оқушысы Жомарт Алихан, “ҮЗДІК ШАБУЫЛДАУШЫ” номинациясымен 7 “Б” сынып оқушысы Ілияс Ерасыл, “ҮЗДІК ҚОРҒАУШЫ” номинациясымен 6 “А” сынып оқушысы Амиржанов Абзал марапатталды.  

1 мамыр - бірлік күніне орай мектебімізде "Бейбітшілік - ел тірегі" тақырыбында ашық тәрбие сағаттары өтілді. Мерекенің маңыздылығы, оның мағынасы туралы түсіндірілді. Бірлік - алтын ұя мектептен, отбасынан басталады. Бір шаңырақтың астында тату-тәтті, бірлігіміз жарасқан ел болып қалай берейік. Мереке құтты болсын!

Бүгін мектебімізде прокурор Жұман Мағжан Манапұлы мен нарколог Жүзбаева Айтолқын Абдуақитовнамен кездесу өтті. Кездесуге 9,10,11 сынып оқушылары қатысты. Нашақорлық, синтетикалық заттарға тәуелділік жайлы мағлуматтар берілді. Нашақорлықтың адам өміріне келтірер зауалы мен дені сау өскелең ұрпақ тәрбиелеудегі зияны жайлы кеңірек баяндалды.

1-мамыр Қазақстан халықтарының бірлік күніне орай мектебімізде 5-сыныптар арасында эстафеталық сайыс өтті. 5 "Е" сыныбы I орын, 5 "Г" сыныбы II орын, 5 "А" сыныбы III орын иеленді. "ШАПШАҢ КОМАНДА" номинациясымен 5 "В" сыныбы, "ҰЙЫМШЫЛ КОМАНДА" номинациясымен 5 "Д" сыныбы, "ЖІГЕРЛІ КОМАНДА" номинациясымен 5 "Б" сыныбы және "АЛҒЫР КОМАНДА" номинациясымен 5 "Ж" сынып оқушылары марапатталды.

М.Мақатаев атындағы №140 гимназия оқушылары мен ұстаздары 20 сәуір жалпықалалық сейсможаттығуға қатысты. Оқушылар арасынан 10-сыныптардан құрылған «Жас құтқарушылар» ұйымы алғашқы көмек жайлы айтып, практика жүзінде көрсетті. Медбикелер мен АӘДТ пәні мұғалімі Ержан Сәрсенқожаұлы ақпараттармен таныстырып, төтенше жағдай кезіндегі іс-әрекеттер жайлы айтты.