1"Ж" сынып оқушысы Алиұлы Алимжан Бишкекте өткен Халықаралық каратэ байқауынан жүлделі 2-орынды қанжығасына байлады. Тамаша жетістік көрсеткен шәкіртіміз үшін қуаныштымыз! Биік белестерді бағындырып, жетістіктерге жете беруіне тілектеспіз! Құттықтаймыз!

Қалалық дзюдо жарысынан  2 "К" сынып оқушысы Азамат Айсултан 3-орын иеленді. Шәкіртімізді шын жүректен құттықтаймыз! Биіктерден көрінуіне тілектеспіз! 

10.02.2023 жылы бастауыш сынып мұғалімі Айкүміс Сайлауханқызы сыныбында әр әкеге жеке шақырту жіберіп ӘКЕЛЕР ЖИНАЛЫСЫН өткізді. "Галереяға саяхат" тренингін өткізіп, "Менің отбасым" тақырыбында салған балалардың суреттеріне саяхат жасап, әкелер өз баласының салған суреттерін табуға тырысты. 7 әке ғана дәл тапты. 7 әкеден Отбасы мен әкенің ортасындағы көрінбейтін, үзілмейтін байланыс бары анықталды. Жиналысқа 26 оқушының әкелері, екеуінің ағасы келді. Мазмұнды, ерекше жиналыс болды. Ардақ

Мұқағали Мақатаевтың туған күніне орай бүгін мектебімізде 7-8 сынып оқушылары арасында үстел теннисінен жарыс өтті. I орынды 7 "Б" сынып оқушылары, II орынды 8 "А" сынып оқушылары, III орынды 8 "Г" сынып оқушылары иеленді. Баймұхан Жәнібек, Жақсыбай Ислам "Үздік ойыншы" номинациясымен марапатталды.

Мектебіміздің кітапхана меңгерушісі Тохтаболатова Нұрбике Қожахметқызы Бостандық ауданының "Үздік мектеп кітапханашысы - 2023" байқауының БАС ЖҮЛДЕ иегері атанды. Шын жүректен құттықтаймыз! Әріптесімізге шығармашылық табыстар тілейміз!

Бүгін мектебімізде ата-аналар арасында "Өлді деуге бола ма, айтыңдаршы, Өлмейтұғын артына сөз қалдырған..." атты   Мұқағали өлеңдеріне жазылған әндердің байқауы өтті.  Сегіз қырлы, бір сырлы ата-аналарымыз бар өнерлерін ортаға салып, қошеметке ие болды. Қатысушылар байқауға әдемі әсер сыйлап, өзгеше тебіреніс енгізді. Осылайша күні бойы мектебімізді ән тербетіп, ақынның рухы туған дала төсінде асқақатап тұрғандай әсер қалдырды.

Құрметті ата-аналар! Сіздерді "Өлді деуге бола ма, айтыңдаршы, өлмейтұғын артына сөз қалдырған" атты ата-аналар арасында өтетін ән байқауының қадірлі қонағы болуға шақырамыз!

Мұзбалақ ақын Мұқағали Мақатаевтың туған күніне орай 9-сынып оқушылары ақынды еске алу мақсатында ескерткішіне барып гүл шоқтарын қойып қайтты. Шәкірттеріміз Мұқағали жырларынан шашу шашып, өмір жолынан естеліктер айтты. 

Қатыгездік пен зорлық-зомбылықсыз өмір жобасы аясында М.Мақатаев атындағы 1-11 сынып оқушылары арасында түсіндірме жұмыстары өтті. Гимназия психологтары: Төреқұлова Меруерт пен Қарабала Асыл сыныптарда сұрақ-жауап, тренинг өткізу арқылы оқушылар арасындағы тәртіп пен қарым-қатынасты бақылай отырып, жұмыс жүргізді.

Ақиық ақын Мұқағали Мақатаевтың туған күніне орай ұйымдастырылған "Мұқағали - мәңгілік жыр" айлығы аясында өткен байқаулардың жеңімпаздарын марапаттау мақсатына I,II кезек оқушыларына салтанатты жиын ұйымдастырылды. Мектепішілік байқауға белсене қатысқан оқушылар "Мұқағали - мәңгілік жыр" эссе байқауы бойынша, "Өзіңсің поэзия Пайғамбары" атты өлеңді мәнерлеп оқу, ақынның шығармаларын орыс, ағылшын тілдерінде мәнерлеп оқу байқаулары бойынша бақ сынап, арнайы грамоталармен марапатталды. Мұқағали