Оқушылар арасындағы буллингтің алдын алу мақсатында  5-11 сынып оқушыларымен «Мектеп –қауіпсіз білім ордасы» тақырыбында гимназия директоры , педагог-психологтардың қатысуымен   жалпы  жиналыс өткізілді. Жиналыс барысында  сынып және мектеп ережелері  талқыланды. Оқушыларға «буллинг» , «кибербуллинг» түсініктері түсіндіріліп, оны болдырмау туралы кеңестер берілді. Сенім телефондары, сенім жәшіктерінің орналасуы және Бала қорғау бойынша QR кодтары туралы ақпарат айтылды.

Әл-Фараби атындағы ҚазҰУ кітапханасының ұйымдастыруымен өткен "Мұқағали - мәңгілік ғұмыр" әдеби-поэзиялық кешінен…Мұқағали мектебінің шәкірттері мен Біржан Сәрсенқожаұлы керемет өнер көрсетіп қайтты. Айкүміс Сайлауханқызы арнайы қонақ ретінде шақырылып, сөз алды. Өлең оқып, ән айтып, кештің сәнін келтірген мақтаныштарымыз😍

8-наурыз - халықаралық әйелдер күніне орай 8 "А", 8 "Б", 8 "Д" сынып оқушылары аналарына, ұстаздарына арнап әсем кеш қойды. Кеште оқушылар бар өнерлерін ортаға салып, ән айтып, би биледі. Балаларының өнеріне тәнті болған аналар қуанып тарқасты.

5-11 сынып оқушылары арасында "Ел ертеңі - есірткісіз болашақ" атты тәрбие сағаты өтілді. Тәрбие сағатында есірткінің таралу жолдары, оның зияны, салдары жайлы толық ақпарат айтылды. Есірткіден сақтану керек екендігі ескертілді. Темекі шегу, синтетикалық заттарды қолдану секілді зиянды заттардан аулақ болу керекекендігіде айтылып,мағұлмат берілді. 

7-8 сынып оқушыларының арасында "Қыздарға әсемдік жарасады" атты қыз сыны байқауы өтті. Қыздар өздерін таныстырып, өнерлерін ортаға салып, салт-дәстүр, танымал тұлғалар бойынша сұрақтарға жауап берді. Әдемі киімдерімен, тамаша өнерлерімен көзге түскен қызғалдақ қыздарымыз көктемнің алғашқы күнінде мектебімізге сәуле нұрын шашқандай болды. 

1 наурыз - Дүниежүзілік азаматтық қорғаныс күнінде Қазақстан Республикасы бойынша дабыл іске қосылып, құтқару қызметі ескерту жүйесін тексерді. Осыған орай мектебімізде үлгілік оқу-жаттығулар өткізілді. Сиреналар мен дауыс-зорайтқыш құрылғылары іске қосылып "Баршаның назарына!" дабылы берілді.

Мектебімізде 1"Ж" сыныбында Алматы қаласы "Тоғызқұмалақ" қауымдастығының бапкері Самат Қасымбеков, халықаралық спорт шебері Айтбаев Рахат ағайларымыздың қатысуымен ұлттық ойындарымыз тоғызқұмалақ, асық ойындарының таныстырылымы өтті. Ойын атауы, шығу тарихы, ойын ережесі жайлы толық ақпарат алған оқушылардың ұлттық ойынға деген қызығушылықтары жоғары болды.Сынып жетекшісі Ләйлә Өмірзаққызы. ЖАРАЙСЫЗДАР !!!

1 наурыз - Алғыс күніне орай мектебімізде "Алғысым шексіз" акциясы өтті. Оқушылар өздерінің достарына, ұстаздарына алғыстарын жеткізді. Көктемнің алғашқы күніне орай, келе жатқан Наруыз мерекесіне орай оқушыларымыз ұлттық құндылықтарды, ұлттық киімімізді дәріптеу мақсатында мектеп формасын сақтай отырып ұлттық нақыштағы киімдер киіп келді.

Бүгін 10-сыныптар арасында АӘДТ пәні мұғалімі Ержан Сәрсенқожаұлы "Төтенше жағдай кезіндегі іс-әрекеттер" тақырыбында балаларға түсіндірме жұмыстарын жүргізді. Төтенше жағдай дегеніміз не, қандай уақытта болуы мүмкін, қандай іс-әрекеттер орындалуы керек деген сұрақтарға жауап беріп, практикалық жұмыстар жүргізді. 

Халықаралық робототехникадан жарыс еліміздің бас қаласы Астана қаласында өтіп жатыр. Сайыста мектебімізідің робототехника ұйымының қатысушылары CYBER ALLIANCE бақ сынап жатыр. Шәкірттерімізге сәттілік тілейміз!