2022-2023 оқу жылы да өз мәресіне жетіп қалды. Гимназиямыздан түлеп ұшқалы отырған түлектер мектеп қабырғасында барынша көңілді, пайдалы уақыт өткізіп, соңғы сабақтарына белсенді қатысып жүр. Енді олар оқушы емес, студент атанады. Барлық түлектерімізге сәттілік тілейміз!!!

4-сынып оқушылары бастауышпен қоштасып, орта буынға қадам басты. 4 "Е" сынып жетекшісі Жақыпбекова Айгүл Елжасқызы сыныбымен естен кетпес кеш өткізді. Оқушылар бар өнерлерін салды. Ән салып, би биледі. Бастауышта алған білімдерін, жетістіктерін көрсетіп, қимастықпен қоштасты.

29 мамыр күні Қуғын-сүргін құрбандарын еске алу күніне орай халықаралық дөңгелек үстел шарасына ұстазымыз Бесірова Айкүміс Сайлауханқызы қатысып, Ұлттық кітапханаға оқушылармен бірге барып қайтты. Түркиядан келген және еліміздегі алаштанушы ғалымдар қатысқан өте мағыналы керемет шара өтті. Оқушыларымыз өлең оқып, қатысқандарды сүйсінтті. Ұстазымыз Біржан Сәрсенқожаұлы Қапездің әнін орындады.

Ата-аналарымызды марапаттау сәтінен үзінді. Өнерден, спорттан, білімнен жетістіктерге жетіп, бикітерден көрінген шәкірттеріміздің ата-аналарына алғыс айттық. БАланың қандай да бір жетістікке жетуі, сөзсіз - ата-анананың қолдауларының арқасы. Шексіз алғыс айтамыз! Шәкірттеріміз биіктерден көріне берсін!

Баланың қандай да жетістікке жетуі сөзсіз ата-ананың арқасында. Бүгін мектебімізде “Алғыс айту парызым” атты ата-аналарымызға арналған іс-шара өткіздік. Гимназиямыздың директоры Сәния Өскенбайқызы ата-аналарға құттықтау сөз айтып, алғысын білдірді. Алғыс хаттар таратылды. Ата-аналарымыз жүрек жарды ақ тілектерін айтып, керемет көңіл-күймен тарқады.

Бүгін қаламызда өткен “Алматыдағы заманауи білім беру” кәсіби бағдар беру фестиваліне қатыстық. Фестиваль алаңдарында білім беру мекемелерінің өкілдері оқытудың өзекті бағдарламалары туралы айтып берді. Сонымен қатар олар еңбек нарығындағы белгілі бір кәсіп туралы түсіндірді, кәсіби мансапты жоспарлау бойынша кеңестер берді. Іс-шараға Ұлттық тестілеу орталығының сарапшылары да қатысты. Олар ҰБТ жаңалықтары туралы түсінік және қалған кезеңде тестілеуге қалай жақсы дайындалу керектігі туралы

Бостандық ауданы АПБ ЖПҚБ ЮПБ аға УПИ полиция майоры Нурғалиева Айгерім Маратқызының қатысуымен “Назар аударыңыз, балалар!” жедел-профилактикалық іс-шара өткізілді. Балаларға жолда жүру ережесін сақтау керектігі ескертілді.

Жеңіс күні мерекесіне орай "Желбіре, жеңіс жалауы!" тақырыбында мектебімізде мерекелік іс-шара өтті. Жеңіс жолында аянбай күрескен батырларымызды еске алып, ерліктеріне алғыс айттық. Шәкірттеріміз ән салып, би билеп, соғыс жылдарынан көрініс қойды. 

Мектеп бітіруші түлектерімізге арналған "Балалық шаққа саяхат" атты бастауыш сынып мұғалімдерінің ұйымдастыруымен сабақ өтті. 11-сынып оқушылары өздерінің мектеп табалдырығын алғаш аттаған күннен бастап оқыған әліппесін, жазған жұмыстарын, бастауыш сыныптағы суреттерін қарап, балалық шаққа саяхат жасап қайтты. Сынып жетекшілеріне алғыс айтып, көңілді уақыт өткізді.

Ұлы Жеңіс күні құтты болсын! Еліміз аман, жұртымыз тыныш болсын!