Бүгінде жастарды патриоттыққа тәрбиелеудің түрлі жолдары қарастырылып келеді. Соның бірі жастар, жас өрендер арасында рәміздерді насихаттау. Осы мақсатта 4 маусым күні гимназия алдында әнұран айту жиыны болды. Гимназия оқушылары да, ұстаздар да әнұранымызды шырқады. Жиынға қатысқан әрбір жанға патриоттық сезім сыйлады. Сонымен қатар, әр сыныпта «Рәміздерім - мақтанышым» тақырыбында танымдық сабақ өтті. Рәміздерді насихаттаудағы мақсат – әрбір жас буын жеткіншектің Отан, Қазақстан, туған

     Қарағанды қаласында дзюдодан өткен турнирде 5 "Д" сынып оқушысы Асқарлы Батырхан І орынды иеленді. Шәкіртімізді жеңісімен құттықтаймыз! Алар асуыңыз биік болсын!

       Жас педагогтар арасындағы халықаралық "Умный урок - формирование функциональный грамотности школьника" атты байқауда орыс тілі мен әдебиеті пәнінің мұғалімі Алибаева сымбат Спандиярқызын ІІ дәрежелі дипломымен құттықтаймыз! Білімді де білікті маманымыздың болашағынан зор үміт күтеміз. Абыройыңыз асқақ, мерейіңіз үстем болсын. Бағындырар белесіңіз таусылмасын! Шығармашылығыңыз шыңдала берсін.

     Халықаралық "Khamza open cup II" жарысында қола медальға ие болып, ІІІ орын алған Асылбек Нұрәлиді жеңісімен құттықтаймыз. Бағындырар биігіңіз таусылмасын. Бұдан да биік белестерге жете беріңіз!

      "Нұрсұлтан Назарбаев қорының" ұйымдастыруымен өткен "Елбасы Медалі" жобасында гимназия ұстазы Алибаева Сымбат Спандиярқызы қола медаль иегері атанды. Марапатыңыз құтты болсын! Шығармашылық  шабытыңыз шыңдала берсін. Биіктерден көріне беріңіз!

      2021-2022 оқу жылдарына арналған 9 және 11-сыныптар арасында мемлекеттік емтихан тапсыру жұмыстары басталып кетті. 27 мамырдан басталған емтихан өз деңгейінде өтуде. Барлық талаптар мен ережелерді сақтай отырып жүргізіліп жатқан мемлекеттік бақылау жұмыстары -  жыл бойы жинаған білімнің көрсеткіші. Барлық мемлекеттік емтихан тапсырушы шәкірттерімізге сәттілік тілейміз!

      "Championship 2022" Қазақстан байқауында ІІІ орын алған 3 "А" сынып оқушысы Жұмалиева Әйгерімді жеңісімен құттықтаймыз! Кіп-кішкентай бүлдіршінімізге тек қана толағай жеңістер тілейміз. Алар асуыңыз таусылмасын!

      26 мамыр мен 17 маусым аралығында барлық мектептерде 9 және 11-сыныптардан басқа сыныптар үшін жазғы мектеп ұйымдастырылды. Алғашқы күні сабақтың өту барысымен таныстырылған жиын өтіп, оқушылар өз сыныптарына тарады. Білімге құштар болып, оқу үшін келетін әр баланың үлгерімі үшін жеке жұмыс жасап, ары қарай қанағаттану үшін мұғалімдер тарапынан күш салынып жатыр.

      Жалпы білім беру ұйымдарының 5-11 сынып оқушылары арасында ұйымдастырылған ұлт ұстазы Ахмет Байтұрсынұлының 150 жылдық мерейтойына арналған қалалық байқауда өзіндік шығармашылық қарым-қабілетімен ерекшеленгені үшін 8-сынып оқушысы Ескендірова Ұнаржанды марапатымен құттықтаймыз! Қазақтың қайсар қызы болуыңа тілектеспіз. Биіктерді бағындыра беріңіз!

      Тарыдай болып кіріп, таудай талабымен мектеп табалдырығының соңғы күндерін аттаған түлектер үшін 25 мамыр - ұмытылмас күн. Бұл күн - жүректің жиі дүрсілдеп, қимастық сезімінің соңғы сағаттары орындалатын күн. Бұл күні мектебімізде өткен “Сыңғырла, соңғы қоңырау” атты мерекелік жиынымыздың басты кейіпкерлері де - мектеп түлектері. Сәт сапар, жас түлек!       Халықаралық, республикалық  білім, өнер байқауларынан жүлделі оралған гимназияның 33 оқушысы “Жаңа Қазақстан болашағы” төсбелгісімен