ҚР БІЛІМ ЖӘНЕ ҒЫЛЫМ МИНИСТРЛІГІ

Ел Президентінің Абай Құнанбайұлының 175 жылдық мерейтойын жоғары деңгейде мерекелеу туралы Жарлығына сәйкес ұлттың ұлылығын ұлықтаған дана Абайдың шығармашылық мұрасын бүгінгі күн тұр­ғысынан жаңаша дамытып, болашаққа саф алтындай құнды күйінде жеткізуді мақсат-мұраты етіп ұстанған ІІІ Республикалық «Абайтану» олимпиадасы жуырда облыстық, қалалық кезеңнің жеңімпаздары атанған қазақ тілінде жалпы білім беретін ұйымдардың 9-11 сынып оқушылары арасында өткен болатын.
Ұлы ақын­ның бай мұрасын жас ұрпақ санасына терең әрі жан-жақты сіңіріп, өнеге мен тәрбиенің ал­тын қазығына айналдыруды көздеген олимпиаданың не­­­гізгі мақсаты М.Әуезовтің «Абай жолы» роман-эпопея­сын толық меңгеру арқылы ке­­­мең­гердің ақындық болмы­сына үңілуге, Абайдың шығар­ма­шы­­лық өмі­рінен ғибрат алып, өмірде қол­дана алуға жол сіл­теу зияткерлік және шы­ғар­­ма­шы­лық қабілеттерін да­мытуға бағытталған. 
Еліміздің 14 облысы мен 3 қаласынан іріктеліп, жалпы 122 оқушы қатысқан білім додасына, М.Мақатаев атындағы №140 гимназияның, 9-сынып оқушысы, қалалық «Абайтану» олимпиядасының жеңімпазы қатысып, Абайдың қара сөздері мен поэзиясы негізінде дайындалған тақырыптардың біріне эссе жазып, М.Әуезовтің «Абай жолы» романынан берілген үзіндінің қай тарау, бөлімнен алынғанын айтып, мазмұнын жалғастырып әрі роман мазмұнынан «сократтық» сұрақтарына мүдірмей жауап беріп, логикалық дең­гейі тексерілген екі айналымдық сайыста, үздік білімі мен жазу шеберлігін көрсете білген - Кистаубаева Сымбат, ІІІ дәрежелі диплом мен сертификат иегері атанып, сыйлыққа дыбыс ұлғайтқыш алды.
Ұлы ақынның мол мұра­сымен сусындап, Абай қара сөздерінің тәрбиелік-тағы­лым­­дық маңызын мең­геріп, Абай мұрасын насихат­тауға, оқушылардың Республика көлемінде өт­кен білім жарысына қатысу­ына ықпал еткен М.Мақатаев атындағы №140 гимназия директоры Сәния Өскенбайқызына, Қазақ тілі мен әдебиеті пәнінің мұғалімі: Сафура Сәлімбайқызы мен Дүйсенова Гүлзағира Қазтайқызына ерекше алғысымыз бен ризашылығымызды білдіреміз.