5-8,10-сыныптар үшін сыныптан-сыныпқа көшу емтиханы

ШЖҚ "М.Мақатаев атындағы №140 гимназия" МКК-де 2023-2024 оқу жылында алғашқы рет білім алушылардың бағдарламалар мазмұнын меңгеруін бағалау мақсатында 5-8, 10 - сыныптар аралығында қазақ тілі мен әдебиеті пәндерінен аралық емтихандар өткізілді.«Қазақ тілі», «Қазақ тілі мен әдебиеті» пәндері бойынша білім алушының оқу үлгерімін тексеруге берілген эссе тақырыптарының жалпы саны – 30.

«Қазақ тілі», «Қазақ тілі мен әдебиеті» пәндерінен эссе жазуда тапсырмалардың мазмұны ақпаратты түсіну, мәтіннің құрылымы мен негізгі ойын түсіну, мәтіннің стильдік ерекшелігін тану, проблемалық сұрақтар құрастыру, түрлі дереккөздерден ақпарат ала білу, мәтіндерге салыстырмалы анализ жасау, түсіну және жауап беру, анализ және интерпретация, орфографиялық, орфоэпиялық, пунктуациялық нормаларға құрылған.