"Тазару" – ұлттың жаңа жылды жаңа үміт, тың серпін, нық сеніммен бастауының басты нышаны

Наурыз айы ертеден табиғат пен адамзаттың ішкі жан-дүниесінің тазалығының үйлесімде болуын үндейді.  М.Мақатаев атындағы №140 гимназияның ұстаздары мен қызметкерлері 29 наурыз күні гимназия ауласына сенбілікке шықты, оқу кабинеттерін тазалады.  Бақыт пен береке тазалық пен шынайылық орнаған жерге қонады. Айналаны тазарту артық нәрселерден арылуға, кеңістікті мүмкіндігінше пайдалы етіп қайта құруға мүмкіндік береді. Оның мәні өте терең: "Тазару" – ұлттың жаңа жылды жаңа үміт, тың серпін, нық сеніммен бастауының басты нышаны. Бұл "жасыл күн" табиғат пен адамның қарым-қатынасында көпір болып, дені сау ұрпақ өсіруге, елдің гүлденуіне негіз болады.