Қасиетті Рамазан айының бірінші күні Алматыдағы Оқушылар сарайының үлкен концерт залының сахнасында Қайырымдылық концерті өтті. Сахнада шырқалған әндер әрбір баланың жүрегіне жетті.  Алматы қаласының әкімшілігіне, өнерлерімен көрермендерін тәнті еткен әртістерге үлкен рақмет. Керемет әсерлерімен оқушыларымыз "біз де әнші болсақ" деген армандарын арқалап қайтты. 

22-наурыз қала бойынша Наурыз-думан тойы тойланды. Шәкірттеріміз, ұстаздарымыз Наурыз тойын тойлауда қалыс қалмады. Оқушыларымыз ұлттық ойындардан топ жарып, жүлделі орындарға ие болса, ұстаздарымыз сахна төрінен табылып, өнер көрсетті.

Наурыз мерекесіне орай ұйымдастырылған "Нұр себеле, Ұлыстың ұлы күні!" атты іс-шара өткізілді. 17 наурыз күні мектебімізде таңғы сағат 7:30-дан бастап ыстық көже, бауырсақ, ұлттық тағамдардан дастархан жайылып, әсем ән, күмбірлі күй орындалды. Әдемі күн мерекелік концертпен аяқталып, оқушыларымыз, ұстаздарымыз 3-тоқсанды көңілді аяқтады.

“Көктемді қондырып қанатына…” атты мерекелік кештен көріністер. Бүгін 9 “Ж” сынып оқушылары сынып жетекшісі Сәуле Амангелдіқызымен көрісу күніне, Наурыз мерекесіне орай керемет кеш өткізді. Ата-аналарымыз, ұстаздарымыз, оқушыларымыз наурыз көжеден дәм татып, әдемі кештің куәсі болды. Рақмет💐❤️

Ұстазымыз Манапбай Заңғар Нұрсәбитұлы Central Asia First Championship - 2023 жарысында робототехникадан мектеп командасын сәтті дайындап, Республикалық жарыста шеберліктерін көрсетіп қайтты. Әріптесімізді шын жүректен құттықтаймыз!