Ұлттық «Бала дауысы» талантты балалар фестивалі

    Алматы телеарнасының ұйымдастыруымен, «Алматы бала фест» талантты балалар фестиваліне қатысып, ерекше дарынымен талайды тамсандырған М.Мақатаев атындағы №140 гимназиямыздың өнерлі шәкірті, Лим Ариана шығармашылық өміріндегі жаңа белесімен қуандыруда. Ұлттық "Бала дауысы" балалар ән конкурсының YI маусымы аясында және Қазақстан Республикасы Тәуелсіздігінің 30 жылдығын мерекелеу қарсаңында, 2021 жылғы 5 қазанда "Жас Отан" жастар қанатының конференц-залында "Бала дауысы-ән бұлағы" жаңа балалар әндерінің жинағының тұсаукесері өтті. Әлия Назарбаеваның "Жандану әлемі" қоры, ҚР Мәдениет және спорт министрлігі, Нұрсұлтан Назарбаев Қорының ұйымдастыруымен 5 жыл қатарынан телеэкран назарынан көрініп жүрген "Бала дауысы" конкурсы, Қазақстанның мәдени өміріндегі ең ірі оқиғалардың бірі болып табылады. Аталмыш жобаға өз үлесін қосып, ерекше дарынымен тамсандырып жүрген шәкіртіміз - Ариана, 

Қазақстан Ұлттық телеарнасындағы "Бала дауысы" байқауының гала-концертіне жолдама алды. Талапты да талантты шәкіртімізге шығармашылық табыс пен жеңіс тілейміз!