МУЗЕЙ - АДАМ ЖАНЫНЫҢ РУХАНИ ТАРИХЫ

Күзгі каникул бастала салысымен ШЖҚ “М.Мақатаев атындағы #140 гимназия” МКК-нің 9 “Г” сынып оқушылары Ғ.Мүсірепов атындағы балалар мен жасөспірімдер театрына экскурсия ұйымдастырып, театр өмірімен танысып қайтты. Танымдық шараны аталған сыныптың бір топ оқушысы мәдени орынның тарихынан танысудан бастады. Экскурсияда театрдың барлық бөлімдері — грим бөлімі, дыбыс бөлімі, жарық бөлімі, костюм бөлімі, реквизит бөлімдері таныстырылды. Сондай-ақ, оқушылар театр және кино әртісі — Динара Нұрболатпен сұхбат құрып, өздерін қызықтырған сұрақтарға жауап ала алды. Соңында театр тынысымен толықтай танысқан сынып оқушылары мәдени мекеменің әкімшілігіне осындай пайдалы экскурсия үшін өз ризашылықтарын білдіріп, алғыстарын айтты.