Bilimtime.kz  ұстаздарға арналған әдістемелік орталығының сайты оқушылар арасында ұйымдастырған «Жас математик» қашықтық олимпиадасында І дәрежелі дипломмен марапатталған М.Мақатаев атындағы №140 гимназия шәкірттері: Нурбацин Мирас, Чистякова Дана, Жұмағали Дінмұхаммед, Азаматқызы Айым  мен Мұхтархан Абылайды жүлделі орындарымен құттықтай отырып, білім шыңын бағындырар табыс тілейміз.

    «Тоширо»  Каратэ мектебінің ашық біріншілігінде І орынды иеленген гимназия шәкірті - Талғатұлы Ілиясты жеңісімен құттықтай отырып, шығармашылық табыс тілейміз.

    «Дарын лэнд» интеллектуалды орталығы ұйымдастырған ағылшын тілі бойынша «British Bulldog 2021» Халықаралық байқауында 1-орын алған М.Мақатаев атындағы №140 гимназияның 9-сынып оқушысы Бектенбай Айгерим мен 10-сынып оқушысы Әділетқызы Меруертті жүлделі жеңістерімен құттықтаймыз.

    Ақпанның 14-і, М. Мақатаев атындағы №140 гимназияда, Бостандық ауданы полиция бөлімі қызметкерлерінің қатысуымен 5-9 сынып оқушылары арасында “Тәртіпке бағынған - құл болмайды” тақырыбында жиналыс өтті. Жиналыс барысында қазіргі уақытта белең алып жатқан жасөспірімдер арасындағы құқық бұзушылық, ұрлық, кибербулинг сынды мәселер талқыланып, оның алдын-алу шаралары айтылды. Құқық бұзушылықтың зардаптары мен әкімшілік жауапкершілігі түсіндіріліп, оқушыларға ұлттық тәрбиенің маңыздылығын

      2022 жылдың 7 ақпанында  М.Мақатаев атындағы №140 гимназияның 5-10 сыныптары арасында мектепішілік «Өзіңсің поэзия Пайғамбары» атты ақынның өлеңдерін орыс және ағылшын тілдерінде мәнерлеп оқу байқауы өткізілді. Дана халқымыз «Қанша елдің тілін білсең, сонша түрлі ілім білесің» демекші, дарынды шәкірттеріміз өзге тілде оқып қана қоймай, мәнерлеп, нақышына келтіре көптің көзайымына айналды. Талапты оқушылардың өнері әділ бағаланып, қорытынды кеште марапатталады.

    "Өзін-өзі тану: Махаббат пен Шығармашылық педагогикасы" онкүндігінің аясында өткізілген "Адамгершілік пен руханияттың мөлдір бұлағы" атты аудандық балалар шығармашылығы байқауында М.Мақатаев атындағы №140 гимназияның 6 "Б" сынып оқушысы, Манарбеков Абылай  ІІІ орынды иеленсе, аудандық "Асыл жүрек" атты эссе байқауында 10 "В" сынып оқушысы, Қайыржанова Ару ІІ орын иегері атанды. Шәкірттерімізді марапаттарымен құттықтай отырып, шығармашылық табыс тілейміз.

     Шындықтан туған шынайы поэзияның иесі, қазақтың қара өлеңіне ешкімге ұқсамайтын өзгеше рең, өшпес бояу беріп, қайталанбас құбылысқа айналған ақиық ақын, миллион сырлы сезімнің иесі –  Мұқамедқали, Мұқағали Мақатаевтың бүгінгі туған күніне орай,  гимназияда «Әр өлеңі – бір әлем»  атты ертеңгілік өтті. Ақын шығармашылығынан жырлары оқылып, әндері шырқалды. Өшпес мұрасы насихатталып, балалардың танымдық дүниетанымы арта түсті.

       Ақпан айының 9-ы жарық дүниеге өзімен бірге өршіл рух пен өлмес өлеңдерді арқалай келген ақиық ақын – Мұқағали Мақатаевтың туған күні. Күпі киген қазақтың қара өлеңін шекпен жауып қайтарған классик, дала даналығын бесігінен сімірген дарабоз, өзгелер көре білмеген сырды, өзгелер өре білмеген жырды ұсына білген – сөз ұстасы. Ақын атын арқалаған №140 гимназияның бітіруші түлектері мен ұстаздары Мақатаев көшесінде орналасқан Мұқағали мүсініне гүл шоқтарын қойып, жырларынан шашу шашып қайтты.

    «Мұқағали – мәңгілік жыр» айлығы аясында гимназияда  07.02.2022ж. күні  “Жарастық пен келісімнің жаршысы” атты ғылыми жобалар байқауы ұйымдастырылды. Оқушылар ақын шығармашылығын жас ерекшеліктеріне қарай берілген пәндермен ұштастыра отырып, толыққанды дайындықпен ғылыми жобаларын жоғары деңгейде қорғап шықты. Нәтижесі айлықтың қорытынды кешінде айтылып, марапатталады.

        Бүгін менің туған күнім, ой пәлі-ай!         Мына жұрттар неғып жатыр тойламай?! , - деп жырлаған ақиық ақын М.Мақатаевтың  90 жылдық мерейтойы Республика көлемінде тойланып келеді. Гимназиямызда жыл сайын  дәстүрлі түрде «Мақатаев айлығы» ұйымдастырылуда. Осы орайда ақпанның 3-і күні 5-11 сыныптар аралығында «Менің бүгін туған күнім» атты онлайн мәнерлеп оқу байқауы өтті. Байқауға әр сыныптан екі оқушыдан барлығы 70 оқушы қатысты. Zoom платформасы арқылы өткен байқау тартысқа толы