«Қазағым сағынды, рас, Мұзбалағын» атты мерекелік іс-шара       2022 жылдың 25 наурызы күні Ғ.Мүсірепов атындағы Қазақ Мемлекеттік Академиялық балалар мен жасөспірімдер театрында «Қазағым сағынды, рас, Мұзбалағын» атты М.Мақатаевтың 91 жылдығына орай мерекелік іс-шара өтті. Күпі киген қазақтың қара өлеңін шекпен жауып қайтарған классик, дала даналығын бесігінен сімірген дарабоз, өзгелер көре білмеген сырды, өзгелер өре білмеген жырды ұсына білген сөз ұстасы – М.Мақатаевтың шығармашылығы

      Алматы қаласы Білім басқармасы оқушылар сарайында ұйымдастырылған Наурыз мерекесінде Тлеужанова Дильназ белсенділік көрсетіп, марапатталды. Ұлттық мерекеміздің қадір-қасиетін бойына сіңірген ақылды қызымыз әз-Наурызды махаббатпен ұйымдастырып, қала көлеміндегі іс-шараға ұйытқы болды. Алдағы уақытта жанынан тек жақсы адамдар табылып, игі істің басында жүрер басшы болуына тілектеспіз.

    Наурыз – іргесі сөгілмес бірліктің берекесі, ырысы төгілмес тірліктің мерекесі. Баршаңызды Ұлыстың Ұлы күні – Наурыз мерекесімен шын жүректен құттықтаймыз!

    Жақсылықтың жаршысы, жаңа жылдың бастауы – Наурыз мейрамы туған жер топырағына құт-береке әкелсін! Еліміз тыныш, туған жеріміз аман болып, әрбір жаңа күн әр отбасына шат көңіл, бақыт және береке сыйласын! Ұлыс оң болсын, ақ мол болсын!

       Бостандық ауданы білім бөлімінің ұйымдастыруымен 14-15 наурызда жалпы білім беретін мектептердің жас педагогтерінің арасында өткен «Өз жұлдызыңды жақ» аудандық байқауында ГРАН-ПРИ иегері атанған, М.Мақатаев атындағы №140 гимназияның қазақ тілі мен әдебиеті пәні мұғалімі – Нукарбан Бексұлтан Нұрланұлын жеңісімен құттықтай отырып, алда болатын қалалық байқауда асығының алшысынан түсуіне тілектеспіз. Қоржыныңыз жеңіспен майланып, жұлдызыңыз жарқырай берсін!!!