Мектебіміздің “Еркем-ай” бишілер тобы конкурста тамаша өнер көрсетіп, Ташкент пен Грузияда өтетін халықаралық фестивальге жолдама алды. Құттықтаймыз! Шын жүректен қуаныштымыз!
Ұстазымыз, бастауыш сынып мұғалімі Айгүл Елжасқызы Бауыржан Момышұлының “Батыр шапағаты” медалімен марапатталды. Шын жүректен құттықтаймыз! Ұрпақ тәрбиелеуде шаршамаңыз!
25 наурыз күні Дубайда өткен Халықаралық ән және би байқауында 5 "В" сыныбының оқушысы Жанат Дильназ 3-орын жүлдегері атанды. Құттықтаймыз! Шын жүректен қуаныштымыз!
Қасиетті Рамазан айының бірінші күні Алматыдағы Оқушылар сарайының үлкен концерт залының сахнасында Қайырымдылық концерті өтті. Сахнада шырқалған әндер әрбір баланың жүрегіне жетті. Алматы қаласының әкімшілігіне, өнерлерімен көрермендерін тәнті еткен әртістерге үлкен рақмет. Керемет әсерлерімен оқушыларымыз "біз де әнші болсақ" деген армандарын арқалап қайтты.
22-наурыз қала бойынша Наурыз-думан тойы тойланды. Шәкірттеріміз, ұстаздарымыз Наурыз тойын тойлауда қалыс қалмады. Оқушыларымыз ұлттық ойындардан топ жарып, жүлделі орындарға ие болса, ұстаздарымыз сахна төрінен табылып, өнер көрсетті.